Sumana 7-13 ya Outubro
MASALMO 92-95
Nyimbo 84 na Phembero | Mafala Akutoma (mph. 1)
1. Kutumikira Yahova Ndi Cinthu Cadidi Kakamwe mu Umaso!
(mph. 10)
Yahova athema kulambirwa na ife (Mas. 92:1, 4; Ncenjezi 04.18 tsa. 28 ndima 5)
Iye asaphedza atumiki ace toera acite pisankhulo pyadidi mbakhala akutsandzaya (Mas. 92:5; Ncenjezi 11.18 tsa. 23 ndima 8)
Iye asafuna kakamwe atumiki ace, ngakhale akalambe (Mas. 92:12-15; Ncenjezi 01.20 tsa. 19 ndima 18)
BVUNDZIKANI: ‘Ninji pinandipingiza toera kuperekeka kuna Yahova mbandibatizwa?’
2. Mpfuma Zauzimu
(mph. 10)
-
Mas. 92:5—Thangwi yanji mafala anewa asapangiza mwadidi udziwisi wa Yahova? (Achegue-se a Jeová tsa. 176 ndima 18)
-
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 94:1-23 (Kuleri na Kupfundzisa pfundziro 5)
4. Kutomesa Makani
(mph. 4) UMBONI WANTSUSUKANO. Pakucedza na munthu, sakani mwai toera kumpanga basa inacita imwe yakupfundzisa anthu Bhibhlya. (Funani Anthu nsolo 5 khundu 3)
5. Ulendo Wakubwereza
(mph. 3) UMBONI WANTSUSUKANO. Yeserani kutomesa pfundziro ya Bhibhlya na munthu wakuti kale nee akhafuna kupfundza Bhibhlya. (Funani Anthu nsolo 8 khundu 4)
6. Kucita Anyakupfundza
(mph. 5) Cedzani na nyakupfundza Bhibhlya wakuti nee ali kuthambaruka. (Funani Anthu nsolo 12 khundu 5)
Nyimbo 5
7. Aphale na Atsikana Angakhala Akudzudzumika
(mph. 15) Nkhani yakucedza.
Ale anatumikira Yahova midzidzi inango asakhalambo akudzudzumika. Mwacitsandzo, Dhavidhi akhala wakudzudzumika kazinji kene, pontho pyenepi pisacitikambo kuna abale na alongo azinji lero. (Mas. 13:2; 139:23) Mwakutsukwalisa, aphale na atsikana asakhalambo akudzudzumika. Midzidzi inango, kudzudzumika kunakwanisa kucitisa kuti pinthu pinacita iwo ntsiku na ntsiku, ninga kuenda kuxikola peno ku misonkhano pikhale pyakunentsa kakamwe. Kudzudzumika kweneku panango kunaacitisa kufuna kudzipha.
Aphale na atsikana, mungakhala wakutsukwala thangwi yakudzudzumika, longani na anyakubalanu peno na Nkristu wakukola ananyindira imwe. Kusiyapo pyenepi, phembani Yahova toera akuphedzeni. (Afil. 4:6) Iye anakuphedzani. (Mas. 94:17-19; Iza. 41:10) Onani citsandzo ca Steing.
Pangizani VIDHYU Yahova Anditsalakana. Buluka penepo citani mibvundzo iyi:
• Ndi vesi ipi ya Bhibhlya idaphedza Steing, pontho thangwi yanji?
• Yahova amphedza tani?
Anyakubala, phedzani ananu toera akwanise kuthimbana na kudzudzumika. Imwe munakwanisa kucita pyenepi mungaabvesera mwakupirira, kucita pinthu pinapangiza kuti musaafuna na kuaphedza toera akhale na cinyindiro cakuti Yahova asaafuna. (Tito 2:4; Tiya. 1:19) Nyindirani kuti Yahova anakubalangazani na kukupasani mphambvu toera mukwanise kuphedza ananu.
Panango nee tinadzindikira kuti mu mpingo muli na m’bale peno mulongo wakuti ali wakudzudzumika kakamwe peno nee tinabvesesa mabvero ace. Ngakhale tenepo, tinakwanisa kucita khundu yathu toera onsene mu mpingo apibve kuti asafuniwa, pontho asatsalakanwa.—Mis. 12:25; Aheb. 10:24.
8. Pfundziro ya Bhibhlya ya Mpingo
(mph. 30) Umambo Wa Mulungu Ukutonga! nsolo 13 ndima 21-32
