PFUNDZISANI MWALUSO MU UTUMIKI | THIMIZIRANI MALUSO ANU MU UTUMIKI
Tawirani Ciphedzo ca Abale Athu
Yahova asatiphedza mukuphatisira abale na alongo athu a padziko yapantsi. (1 Ped. 5:9) Iwo anatiphedza toera tikwanise kuthimbana na pinentso mu utumiki. Mwacitsandzo, mpostolo Paulu aphindula kakamwe na ciphedzo ca Akila na Prisila, Sila, Timoti na anango.—Mabasa 18:1-5.
Kodi abale na alongo anatiphedza tani mu utumiki? Iwo anakwanisa kutiphedza toera tikwanise kutawira munthu angatigwanda mafala, toera tikwanise kucita maulendo akubwereza peno toera kutomesa mapfundziro a Bhibhlya na kuacitisa. Natenepa tisafunika kunyerezera m’bale peno mulongo mu mpingo mwathu wakuti anakwanisa kutiphedza, mbatiphemba ciphedzo cace. Mwakukhonda penula, imwe monsene munaphindula mbamukhala akutsandzaya.—Afil. 1:25.
ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—TAWIRANI CIPHEDZO CA YAHOVA—ABALE ATHU, BULUKA PENEPO TAWIRANI MIBVUNDZO IYI:
-
Kodi Rita aphedza tani Zaida toera agumanike pa misonkhano?
-
Thangwi yanji tisafunika kuphemba amwazi mphangwa anango toera atiperekere ku pfundziro yathu ya Bhibhlya?
-
M’bodzi na m’bodzi mu mpingo anakwanisa kuphedzera kuthambaruka kwa nyakupfundza wa Bhibhlya
Ndi cinthu cipi cakuti Zaida na mulongo Abigaeli akhakomerwa naco?
-
Ndi maluso api akumwaza mphangwa akuti panango abale na alongo anakwanisa kukupfundzisani?
