Khala ndi pyakunentsa kugumana basa, pinakhala pyakunentsa kwa ife kuikha pa mbuto yakutoma Umambo wa Mulungu na ulungami wace. Panango pyenepi pinaticitisa kutawira basa yakuti inatipingiza kutumikira Yahova peno yakuti nee isabverana na midida ya Bhibhlya. Mbwenye ife tinakwanisa kukhala na cinyindiro cakuti Yahova anapangiza mphambvu zace ‘kuna anthu akukhulupirika kuna iye.’ (2 Pya dziko. 16:9) Natenepa nee cinthu cibodzi cinafuna kupingiza Babathu waufuni toera kutiphedza na kutipasa pinthu pyakufunika kuna ife. (Aroma 8:32) Na thangwi ineyi, mu ndzidzi unacita ife pisankhulo thangwi ya basa, tisafunika kunyindira Yahova na kuikha basa yace pa mbuto yakutoma.—Masal. 16:8.

ONANI VIDHYU YA NSOLO WAKUTI TRABALHE DE TODA ALMA PARA JEOVÁ, BULUKA PENEPO TAWIRANI MIBVUNDZO IYI:

• Thangwi yanji Juwau akhonda kudyekerwa?

• Kodi lemba ya Akolose 3:23 isatipfundzisanji?

• Kodi citsandzo cadidi ca Juwau caphedza tani Tomas?

• Kodi lemba ya Mateu 6:22 isatipfundzisanji?