Tisafunika kuthirira mbeu za undimomwene zinabzwala ife. (1 Akor. 3:6) Tingagumana munthu anapangiza cifuno, mphyadidi kusiya mbvundzo toera kuutawira tingabwerera pontho. Pyenepi pinam’phedza kukhunganya manyerezero ace na kutiphedza pakukhunganyika toera kucitisa ulendo wakubwereza. Tingabwerera, tinalonga kuti tabwera kudzatawira mbvundzo udasiya ife.

• Pakukhunganya maperekero aumboni a nyumba na nyumba, phatanizani mbvundzo toera kuutawira pa ulendo wakubwereza. Sankhulani mbvundzo wakuti usatawirwa m’bukhu inagawira imwe. Peno mbvundzo wakuti usatawirwa mu ibodzi mwa mabukhu anacitisa na ife pfundziro inaona imwe kuti munaiphatisira mungabwerera pontho.

• Pakumala kucedza na munthu adapangiza cifuno, ndziwiseni kuti muli na cifuno cakucedza pontho na iye na siyani mbvundzo udakhunganyika imwe. Pingakwanisika bvundzani kuti munapita naye tani n’cibverano.

• Mungampanga ndzidzi peno ntsiku inafuna imwe kubwerera, kwanirisani mafala anu.—Mat. 5:37.