ƐMƆHƆSO BƐWƐNE!
2023 Afoɛ Ne de, Ɔhaw Ngome!—Nzu Yeɛ Bible Ne Ka Ɔ?
2023 afoɛ nanu ne, nningyein bɔ ɔhɔle so wɔ wiase mukoraati ne maa yenwu kyɛ, ɔte amba kyɛ yɛte “ayieleɛ mmerɛ” nanu. (2 Timoteo 3:1) Nningyein bɔ Bible ne hane kyɛ okosisi wɔ yɛ mmerɛ he aso ne, ɛmɔma yɛnea bie.
Bɔ Bible ne hane kyɛ okosisi
“Koɛ ne koɛ nwo dwirɛ.”—Mateo 24:6, NWT
“Sɛ ɛkɔ wiase ne nekaa pee a, koɛ kɔ so paa.” a
Nea “Mmenia Bɔ Koɛ Ti Benwu Amaneɛ Ne, Nwa Yeɛ Okole Bɛ Ɔ?” ɔne “Esikaa Bɔ Bafa Bawura Akõdeɛ Nu Wɔ Ewiase Mukoraati Ne, Wabo Dɔla Ne 2 Trillion.”
“Aseɛwosolɛ kosisi nekaa ahoroɔ.”—Marko 13:8.
“Wɔ 2023 ngome nu ne, aseɛwosolɛ bɔ yenoa yɛ se paa 13 yeɛ wasisi wɔ wiase mukoraati ɔ. Ofi mmerɛ bɔ bɛhyɛle yebo kyɛ bɛbu aseɛwosolɛ nwo ngondaa ne, ebie silli lle.” b
“Nningyein suronyisuronyi.”—Luka 21:11.
“Mmerɛ bie bɔ wapɛ nu ne, ne yenwu ye kyɛ ewiase yɛ hye, nakoso kesaalae de, yɛ yera.”—António Guterres, UN secretary-general. c
Nea edwirɛ he “Kyɛbɔ Ewienu Ayɛ Hye Ɛlɛsaen Ne.”
“Ɛhɔen.”—Mateo 24:7.
‘2023 te afoɛ bie bɔ ɛhɔen noa yɛle se paa mane mmeni pee.’ d
“Mmerɛ bɔ nu yɛ se kɔwa.”—2 Timoteo 3:1.
“Ɛnnɛ, sɛ ɛye mmenia mmɔtwɛ biala a, benu ko de, ole adwene nu anwonyerɛ.” e
Nea edwirɛ he “Ɛnnɛ, Mmrandeɛ Ne Ndaluwa Pẽe Yeɛ Benya Adwene Nu Anwonyerɛ Ɔ.”
Nzu yeɛ ɔkɔhora kosi 2024 ɔ?
Ebiala ngɔhora ngohyire nikyee deinn bɔ okosi 2024 ɔ. Nakoso, nningyein bɔ ɔkɔso wɔ wiase ne maa yenwu ye kyɛ, ɔngɔhyɛ biala, Nyameɛ Ahennie ne kɔɔye sona awaen mukoraati kofi berɛ. Na okoli yɛ haw mukoraati nwo dwumaa kɔma yɛ.—Daniel 2:44; Nyekyire 21:4.
Nakoso kesaalae de, sɛ yɛfa ɔhaw bie nu a, odikyɛ yɛfa yɛnwo yɛto Nyameɛ so kyɛ ɔboka yɛ. Bible ne ka kyɛ:
“Sɛ esuronyi tɔ me so a, mefa me wora mewura wɔ nu.”—Edwein 56:3.
Nzu yeɛ yɛyɛ a, okyire kyɛ yede Nyameɛ yɛdi ɔ? Yɛsrɛ wɔ, nea bɔ Bible ne ka fa asetena pá bɔ yekonya ye kyeabie nanwo. Sua Bible ne bɔ engotua hwee, na ɔkɔmaa ekonwu kyɛbɔ ɛne w’abusua konya sɔ bɔhyɛ nemɔ so mvasoɛ ɔ.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Wɔnye Kɔgye Ɛhe Koso Nwo
ESSENTIAL BIBLE TEACHINGS
Nzu Yeɛ Ole Nyameɛpiri Ahennie?
Wɔ Yesu sõen adwuma mukoraati nu ne, ɔhãne Nyameɛpiri Ahennie nwo dwirɛ trale nikyee foforɛ biala. Afoɛ ɛyaa pẽe ɛhe yeɛ yesĩlilɛfoɛ abɔ sɔ Ahennie nanwo mbaeɛ kyɛ ɔbra ɔ.
YƐNWO DWIRƐ
Má Ebie Ne Wɔ Beesũa Bible
Ɛmɔsusu Bible nu nzɛmmisa bie, anaa sũa pẽe fa Yehowa Adanzefoɛ nwo.
