Mmeni pee nwu ye kyɛ ɔhaw bɔ yekoyia ye 2024 nu ne de, yengonya yenoa ayire. Nakoso, anyelasoɛ wɔ berɛ. Ɔwɔ nisɔa?

 Bible ne ahyɛ bɔ kyɛ, Nyameɛ koli ɔhaw ahoroɛ bɔ wamaa y’asetena ayɛ basaa nanwo dwumaa. Ɔngɔhyɛ, Nyameɛ ‘kokyikyi yɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.’​—Nyekyire 21:4.

•   Sɛ ɛpena kyɛ esua Bible nu bɔhyɛ bɔ ɔfa kyeabie nanwo a, kenga edwirɛ he: “A Real Hope for a Better Tomorrow.”

 Kyeabie nwo anyelasoɛ bɔ Bible ne ka yenwo dwirɛ ne, ɔmaa yenya anigye ɛnnɛ, na yenwu ye kyɛ kyeabie nningyein kɔyɛ yé. (Romanfoɛ 15:13) Afutue bɔ Bible ne fa ma yɛ ne koso, ɔkora boka yɛ maa yegyina ɔhaw ahoroɛ tekyɛ ehiaa, ndɛngyea ɔne anwonyerɛ noa.

•   Nea kyɛbɔ anyelasoɛ bɔ Bible ne fa ma ne, ɔbokale baba bie maa onyane anigye, ɔmva yenwo kyɛ né wahia ye ne. Nea vidio he Juan Pablo Zermeño: Yehowa Ama M’abrabɔ Ayɛ Papa.

•   Sɛ ɛpena kyɛ enwu kyɛbɔ Bible ne kɔhora kɔboka wɔ maa ekogyina abambuo, adwenedwene, ɔne aworabɔlɛ bɔ edi, ɔnate kyɛ wɔ dɔfo bie awu ne noa a, yɛsrɛ wɔ kenga sɔ dwirɛ he “Awerɛkyekyesɛm Bi Wɔ Bible Mu a Ebetumi Aboa Me Anaa?”

•   Né sogyaniɛ bie nwu yenwo kyɛ “yetianu yɛ se, na ne ɔndwene sona nwo.” Nea kyɛbɔ anyelasoɛ bɔ ɔwɔ Bible nanu ne bɔ onwuni ne, ɔbokale ye maa ɔsesane ye subaen ɔ. Nea vidio bɔ yeɛ ole, I Put Down My Rifle.

 Ɛkɔhora kɔmaa 2024 kɔyɛ afoɛ pá kɔma ɛne w’abusua. Nea kyɛbɔ Bible ne kɔhora kɔboka wɔ maa ɛkɔyɛ sɔ ɔ. Sua Bible ne bɔ engotua hwee, na ekonwu kyɛbɔ Nyameɛ kɔhora kɔboka wɔ maa ekonya ‘asomdwee adwene’ ɛnnɛ, ɔne “ayieleɛ paa ne anyelasoɛ” ɔ.​—Yeremia 29:11.