•   “Mmenia bɔ bɛwɔ U.S. ne, bɛ bue de, bɛte nga kyɛ bayɛ angonam. Na bɛbɔ bɛka sɔ ne, benu pee nala te mmrandeɛ ne ndaluwa.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   ‘World Health Organization ne afa ato dwaa kyɛ, bate kue bie kyɛ ɔnea ma beli angonamyɛ nwo dwumaa, ná bɛhyɛ mmenia ngunaen kyɛ bɛfa afoforɛ nnamvoa, ná bɛnea atee bɔ bɛkɔfa so bekotu angonamyɛ bo wɔ maen biala so, ɔmva yenwo ne kyɛbɔ bɛ sikanzɛm te ɔ.’​—World Health Organization, November 15, 2023.

 Bible ne boka yɛ maa yenwu atee bɔ yɛkɔfa so yɛne mmenia kɔfa adamvoa, na wamma yannyɛ angonam ɔ.

 Nningyein bɔ ɔtwe wɔ fi mmenia nwo ne, te so. Sɔ nningyein ne bie yeɛ ole mmerɛ bɔ ɛfa kɔ sohyia midia so ne. Kyɛ ahaa ɛkɔsɛkye mmerɛ pee wɔ sohyia midia so ne, bɔ mmɔden kyɛ ɛne mmenia kɔyɛ nningyein kɔbonu, kyɛbɔ ɔkɔyɛ a, ɛkɔhora kɔfa bɛ nnamvoa ɔ.

•   Bible nu dwirɛ: “Adamvoa kuro wɔ dwirɛ mmerɛ biala, yeɛ w’amaneɛnwunɛ nu ti yeɛ bɛwole eliɛma ɔ.”​—Anyandera 17:17.

 Pena atee bɔ ɛkɔfa so kɔboka mmenia ɔ. Sɛ yefi y’ahone nu yɛyɛ nningyein pá yɛma mmenia a, ɔmaa yɛne bɛ adamvoa nanu yɛ se, na ɔmaa yɛnye gye.

•   Bible nu dwirɛ: “Ɔte saleɛ pee kyɛ ɛkɔma tra kyɛ ekole ɔ.”​—Asomafoɛ 20:35.

 Sɛ ɛkɔ yɛ wɛbsait berɛ a, ekonwu Bible nu afutue pee bɔ ɔkɔboka wɔ maa ekonya nnamvoa pá ɔ.