“Ofi mmerɛ bɔ COVID-19 anwonyerɛ ne hɔle ase wɔ wiase mukoraati ne, mmeni pee anwu ye kyɛ, ɔnyɛ suro ko.. . . Nakoso yenwu ye kyɛ, kyɛbɔ ɔte biala ne, anwonyerɛ foforɛ kɔhora kɔye ye ti, yeti odikyɛ yesiesie yɛnwo.”—Dr. Tedros Adhanom Ghebreyesus, director-general, World Health Organization, May 22, 2023.

 COVID-19 anwonyerɛ ne afa ɔhaw abrɛ mmeni pee, na wamaa adwenedwene koso atɔ ebiemɔ so. Aso awaen ne, ɔne dɔktafoɛ nemɔ kɔhora kɔboka yɛ maa yekonya anwonyerɛ bɔ ɔha yɛ ɛnnɛ ne noa ayire? Na sɛ kyẽabie, anwonyerɛ foforɛ ye yeti a, bayɛ krado anaa?

 Bible ne maa yenwu kyɛ, ɔngɔhyɛ awaen bie kɔwa, na ɔkɔye anwonyerɛ kofi berɛ, na wamaa ye mmenia anya anwoserɛ. Bible kã kyɛ: “Nyameɛso Nyameɛ kɔma ahennie bɔ ɔngɔsɛkye le kɔye ye ti.” (Daniel 2:44) Sɛ sɔ awaen ne di tumi a, “maen baa biala ngɔhã kyɛ, ‘Mafokyɛ.’” (Yesaya 33:24) Sɔ mmerɛ ne, ebiala konya anwoserɛ tekyɛ abrandeɛ.—Yob 33:25.