Adwumakue bie bɔ bɛfrɛ ye Stockholm International Peace Research Institute (SIPRI) bɔle amaneɛ wɔ April 2023 nu kyɛ, Ofi mmerɛ bɔ Russia ne Ukraine kõɛ ne hyɛle ye bo ne, esikaa bɔ Awaen ahoroɛ ne asɛkye ye wɔ akõdeɛ nwo ne, ɔte Amerika Dɔla ne 2.24 trillion. Behyirele nu kyɛ, wɔ 2022 nu ne:

•   Esikaa bɔ Europe Awaen ahoroɛ ne asɛkye ye wɔ akõdeɛ nwo wɔ afoɛ kõ nu ne, “wahɔ ye nyunu kɔyɛ ɛyaa nu ngyekyɛmuɛ buru-ne-nza (13%). Na ofi 1991 bɔ ɔba ne, yenwuni sɔ bie lle.”

•   “Russia Awaen ne sɛkyele esikaa wɔ akõdeɛ nwo paa. Sɛ ɛkyekyɛ nu a, bɛfale maen ne sikaa eyaa nu ngyekyɛmuɛ 9.2 yeɛ bɛyɛle sɔ ɔ. Na ɛhe amaa batɔ so nza wɔ maen ahoroɛ bɔ bɛfa sikaa bewura akõdeɛ nu ne.”

•   Sɛ ɔba maen bɔ ɔsɛkye esikaa paa wɔ akõdeɛ nwo wɔ ewiase mukoraati a, ɔte United States, sɛ yɛkyekyɛ nu pɛpɛɛpɛ a, “bɛfa ɛyaa nu ngyekyɛmuɛ 39 (39%) yeɛ bɛyɛ sɔ ɔ.”

 Dr. Nan Tian bɔ ɔboka SIPRI adwuma kue naso ne kã kyɛ, “elesa ye esikaa bɔ awaen ahoroɛ ne ahɔso afa awura akõdeɛ nu ne maa yenwu ye kyɛ, yɛ ngõa la asane nu paa.”

 Bible hã tole berɛ kyɛ kõɛ kɔhɔso wɔ awaen ahoroɛ bɔ bɛle tumi ne afĩa, na osã koso maa yenwu bɔ ɔkɔmaa yekonya asomdwee kyẽabie ɔ.

•      

•   Daniel nwomaa ne hã tole berɛ kyɛ, sɔ mmerɛ nanu ne, maen biemɔ kɔfa kõɛ “kɔteta” bɛnwo, kyɛbɔ ɔkɔyɛ a bekonya tumi wɔ maen ahoroɛ bɔ baha naso ɔ. Sɔ kõɛ nemɔ kɔmaa bɛkɔsɛkye “sikaa kɔkorɛ ne ɛdwetɛ” pẽe.—Daniel 11:40, 42, 43.

 Sɛ ɛpena kyɛ enwu Bible nu ngɔmhyɛ bɔ ɔyɛ nwanwa he anwo dwirɛ pẽe a, nea vidio bɔ yeɛ ole, Ngɔmhyɛ Bɔ Wawa Nu—Daniel Yeti 11.

•   Bible ne ma yenwu kyɛ Nyameɛ kɔye sona awaen mukoraati kofi berɛ. Na “ɔkɔma ahennie bɔ ɔngɔsɛkye le kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.”—Daniel 2:44.

•   Ɔngɔhyɛ biala, Yehowa a kɔye ɔhaw ahoroɛ bɔ sona fa nu na mukoraati kofi berɛ, na ɔkɔmaa yekonya asomdwee bɔ odimu. Ɔkɔyɛ ye sɛɛ? Yehowa Ahennie ne kɔsɛkye nningyein bɔ bɛfa bɛkɔ kõɛ, ɔne basabasayɛlɛ namukoraati.—Edwein 46:8, 9.

 Sɛ ɛpena kyɛ enwu bɔ Nyameɛ Ahennie ne kɔyɛ nanwo dwirɛ pẽe a, yɛsrɛ wɔ kenga edwirɛ bɔ yeɛ ole, ““Asomdwoe Bebu So” Wɔ Onyankopɔn Ahenni No Mu.”