Nhwehwɛmuɛ bie bɔ bayɛ ye ɛlɛsaen kyire kyɛ, a sɛ ɛye mmenia nna biala a, nu ko de, wayɛ angonam.

•   “Angonamyɛ kora ka ebiala, ɔmva yenwo ne afoɛ bɔ ali anaa nekaa bɔ efi ɔ.”​—Chido Mpemba, cochair of the World Health Organization’s Commission on Social Connection.

 Mmeni pee adwene yɛ bɛ kyɛ, bɛbɔ b’afoɛ ahɔ anyunu anaa bɛbɔ bɛlle abusua biala ne yeɛ bɛkora bɛyɛ angonam ɔ. Nakoso ɔtte nahorɛ. Mmabunu, bɛbɔ bele anwoserɛ, bɛbɔ bele sikaa, ɔne babɔ bagya ne po kora yɛ angonam. Sɛ yɛte yɛnwo anaa yɛyɛ angonam a, ɔkora maa yɛbɔ anwonyerɛ, na ɔka kyɛbɔ yɛsusu nningyein nwo, ná yɛyɛ yɛ nikyee ne.

•   “Angonamyɛ tte atenga bie mbaen. Sɛ ebie yɛ angonam a, ɔkɔhora kohu ye. Ɔte kyɛbɔ sona ne no sigarɛt ngokongoko 15 ɛlɛho biala ne.”​—Dr. Vivek Murthy, U.S. surgeon general.

 Nyameɛ bɔ ɔbɔle yɛ ne nguro kyɛ yɛkɔyɛ angonam. Nyameɛ bɔle sona kyɛ ahaa daa biala yɛ nye gye, na yɛfa nnamvoa.

•   Bible nu dwirɛ: “Na AWURADE Nyameɛ sele kyɛ, ‘Ɔtte mayee kyɛ sona ne ngome kɔtena ɔ.’”​—Gyenesise 2:18.

 Nyameɛ pena kyɛ yɛne ye fa adamvoa. Wahyɛ yɛ bɔ kyɛ, sɛ yɛyɛ y’adwene kyɛ yɛkɔfa ye adamvoa a, ɔkɔhwe kopingye yɛ.​—Yakobo 4:8.

•   Bible nu dwirɛ: “Anigye yeɛ ole bɛbɔ bɛnwu ye kyɛ behia Nyameɛ akwangyerɛ, ofikyɛ anwuro ahennie ne te bɛ deɛ.”​—Mateo 5:3, NWT.

 Nyameɛ pena kyɛ yɛne afoforɛ bɔ nu so ye. Sɛ yɛyɛ sɔ a, ɔmaa yɛnye gye.

•   Bible nu dwirɛ: “Ɛ́mɔma yɛpena atee bɔ yɛkɔfa so yɛkɔbokaboka yɛ nwo bɔ ɔkɔmaa yɛkohyire ɔdɔ ná yayɔ nnwumaa paa ɔ. Nnɛmɔma yɛyakyi yɛ nwo yɛ nwo nyianuyɛlɛ, . . . mmom ɛ́mɔma yɛhɔ so yɛtutu yɛ nwo yɛ nwo foɛ.”​—Hebrifoɛ 10:24, 25.

 Sɛ ɛpena atee bɔ ɛkɔfa so kɔho kotia agonamyɛ a, yɛsrɛ wɔ kenga sɔ dwirɛ he: “Loneliness in a World of Mass Connection.”