2024 Olympics angorɛ bɔ ɔkɔ so ne, mmenia kɔbo 5 bilion yeɛ bɛnea bie ɔ, na bɛbɔ bafa bɛnwo bawura angorɛ nanu ne, befi maen kɔyɛ 206 so. Ɛhe ati, sona bɔ ɔla International Olympic Committee ne noa, bɔ bɛfrɛ ye Thomas Bach ne hãne kyɛ: “Yɛboka so bie yeɛ wamaa ewiase mukoraati ayɛ kõ, na bele asomdwoe sɔ ne. Yeti, ɛmɔma yɛkae kyɛ Olympic angorɛ bɔ yedi ne, yɛfa yɛkã ewiase nanu mmenia mukoraati yɛbonu ɔmva yenwo ne nekaa bɔ befi anaa dwudwolɛ bɔ bɛkã ɔ.”

 Aso Olympics ne kɔhora kɔmaa mmenia mukoraati kɔyɛ kõ, na banya asomdwee? Ɛnea a, asomdwee ne ngabonu paa kɔhora kɔwa wiase?

 Afoɛ he Olympics ne, nna angorɛ ngome yeɛ ɔmaa mmenia adwene hɔle so ɔ. Mmom ɔmaa yenwuni nningyein biemɔ bɔ ɔkyekyɛ mmenia nu ɔ. Sɔ nningyein ne bie yeɛ ole, fahodie bɔ mmenia pena, mmenia nu nyenyemuɛ, asɔre bɔ ebie kɔ, ɔne dibea bɔ ebie le ye.

 Ɔwɔ nu, angorɛ bɔ maen nemɔ bɔnu di ne, ɔmaa mmenia nye gye. Nakoso kyɛ ahãa ɔkɔmaa yekonya asomdwee bɔ ɔkɔtena berɛ daa ne, nningyein bɔ ɔkɔso ne kyekyɛ mmenia nu mmom.

 Bible ne maa yenwu bɔ yeti yeɛ ɔyɛ se kyɛ, mmenia kɔhã kobonu ɛnnɛ ɔ. (2 Timoteo 3:1-5) Sɛ ɛpena kyɛ enwu Bible nu ngɔmhyɛ he anwo dwirɛ pee a, kenga edwirɛ bɔ yeɛ ole, “Did the Bible Predict the Way People Think and Act Today?”

 Bible ne maa yenya anyelasoɛ bɔ odi mu kyɛ, asomdwee ne ngabonu kɔwa wiase mukoraati. Wahyɛ bɔ kyɛ, mmenia bɔ bɛwɔ aseɛ he aso namukoraati kɔyɛ kõ, mmerɛ bɔ “Nyameɛ Ahennie” ne di tumi ne.—Luka 4:43; Mateo 6:10.

 Yesu Kristo bɔ ɔte Ahennie naso hene ne kɔmaa asomdwee kɔwa wiase mukoraati. Bible ne ka kyɛ:

•   ‘Tenenee kobu so, ná asomdwee pee kɔwa.’—Edwein 72:7.

•   ‘Ahiafoɛ su frɛ ye a, ɔkɔpepɛ kole bɛ . . . Okole bɛ ngoa kofi nhyɛsoɛ ne nzɛmmɔne nu.’—Edwein 72:12, 14.

 Ɛnnɛ po, Yesu ngyerɛkyerɛ ahã mmeni pee abonu wɔ maen 239 so. Yehowa Adanzefoɛ bɔ bɛwɔ wiase mukoraati ne bɔ mmɔden kyɛ bɛne mmenia kɔtena asomdwee nu. Sɛ ɛpena kyɛ enwu bɔ wamaa ɛhe ahora ayɛ yé ne a, yede kenga Ɛwɛnelɛ-Waen he, “Yebetumi Adi Ɔtan So Nkonim.”