Sɛ ɛkɔ wiase nekaa biala a, nningyein nu ayɛ se ama mmenia, na ebiemɔ po de, bɔ bedi po ayɛ se.

•   Kyɛbɔ amaneɛbɔ bie kyire ne, a mmeni pee wɔ berɛ a, “sikaa bɔ bedé ye bosome biala ne, ɔnzo bɛ.” Amaneɛbɔ ne toale so kyɛ, sɛ baanyɛ sɔ haw nanwo nikyeebie a, ‘ɔkɔyɛ se kɔma mmeni pee kyɛ bekonya sikaa bɛkɔnea bɛnwo ne bɛ abusũa ɔ.’

 Aso awaen ahoroɛ ne kɔhora kɔyɛ sɔ haw nanwo nikyeebie, na batu ehiaa bo anaa?

 Bible ne maa yenwu kyɛ, awaen bie wɔ berɛ bɔ ɔkɔhora koli wiase ne sikanzɛm nwo dwumaa, na wamaa ebiala anya bɔ ohia ɔ. Ɔka kyɛ ‘nyameɛso Nyameɛ kɔma ahennie bie kɔye ye ti.’ Na sɔ awaen ne, okoli yɛ haw mukoraati nwo dwumaa kɔma yɛ. (Daniel 2:44) Sɛ sɔ awaen ne di tumi a, ye wora ngofi ebiala. (Edwein 9:18) Bɛbɔ bɛkɔtena sɔ ahennie nanu ne, bɛsa kɔhã bɔ behia biala, yeti bɛnye kɔgye paa. Sɔ mmerɛ ne, ebiala kɔyɛ adwuma bɔ ɔla y’ahõne so ɔ, na bɛ fɛɛ ngɔyɛ mbaen.—Yesaya 65:21, 22.