Mmerɛ bɔ ne Yesu wɔ aseɛ he aso ne, ɔmaa mmenia nwuni kyɛ ɔdɔ bɛ, na ɔfale ye ngoa po bɔle afɔleɛ mane bɛ. (Mateo 20:28; Yohane 15:13) Kesaalae, Yesu te Nyameɛ Ahennie naso Hene, na ɔngɔhyɛ biala okosa kɔmaa mmenia konwu kyɛ ɔdɔ bɛ, ofikyɛ ɔkɔfa tumi bɔ ole ye ne ‘kɔmaa koɛ bo kɔpɛ alaa kɔɔdwu aseɛ noa dɔ.’—Edwein 46:9.

 Nea kyɛbɔ Bible ne kyirekyire bɔ Yesu kɔyɛ nanu ɔ:

•   ‘Bɛ bɔ bɛyɛ anwumvo, ahiafoɛ ne bɛ bɔ belle bokafoɛ ne, besu bɛfrɛ ye a, ɔkɔpepɛ kole bɛ. Okonwu ahiafoɛ ne bɛ bɔ bɛyɛ anwumvo ne anwumvoin, na okole ahiafoɛ kra ngoa. Okole bɛ ngoa kofi nhyɛsoɛ ne nzɛmmɔne nu, na bɛ mogya koli mu wɔ ye nye so.’—Edwein 72:12-14.

 Bɔ Yesu ayɛ ama yɛ, ɔne bɔ ɔngɔhyɛ ɔkɔyɛ kɔma yɛ ne, yɛkɔyɛ sɛɛ ne yahyire yenwo anisɔ? Yesu ha hyirele ye asuafoɛ nemɔ wɔ Luka 22:19 ne kyɛ, bɛkae ye wue ne. Ɛhe ati, afoɛ biala Yehowa Adanzefoɛ yia nu kae Yesu wue ne. Yɛsrɛ wɔ, baaboka yɛ so afoɛ he maa yɛkae Yesu wue ne. Yɛkɔyɛ ye Kwasida, March 24, 2024.

Pena Nekaa Bɔ Yɛkɔyɛ Bie Ɔ