Mmerɛ bɔ ne Yesu wɔ aseɛ he aso ne, ɔmaa mmenia nwuni kyɛ ɔdɔ bɛ paa, ye titire ne, bɛbɔ ne wahia bɛ, ɔne mmenia bɔ ne bɛ dwirɛ yɛ anwumvo ne. (Mateo 9:36) Na bɔ ɔtra sɔ ne, ɔfale ye ngoa po bɔle afɔleɛ mane mmenia. (Mateo 20:28; Yohane 15:13) Kesaalae, Yesu te Nyameɛ Ahennie naso Hene, na ɔngɔhyɛ biala okosa kɔmaa mmenia konwu kyɛ ɔdɔ bɛ, ofikyɛ ɔkɔfa ye tumi ne kotu ehiaa bo kofi aseɛ namukoraati so.

 Wɔde, nea kyɛbɔ Bible ne kyirekyire bɔ Yesu kɔyɛ nanu ɔ:

•   “Maa oli maen ne anu ehiafoɛ bɛ dwirɛ ɔma bɛ; maa ɔpepɛ ole bɛ bɔ bɛyɛ anwumvo ɔ.”—Edwein 72:4.

 Bɔ Yesu ayɛ ama yɛ, ɔne bɔ ɔngɔhyɛ ɔkɔyɛ kɔma yɛ ne, yɛkɔyɛ sɛɛ ne yahyire yenwo anisɔ? Yesu ha hyirele ye asuafoɛ nemɔ wɔ Luka 22:19 ne kyɛ, bɛkae ye wue ne. Ɛhe ati, afoɛ biala Yehowa Adanzefoɛ yia nu kae Yesu wue ne. Yɛsrɛ wɔ, baaboka yɛ so afoɛ he maa yɛkae Yesu wue ne. Yɛkɔyɛ ye Kwasida, March 24, 2024.

Pena Nekaa Bɔ Yɛkɔyɛ Bie Ɔ