NNINGYEIN BƆ ƐKƆHORA KOSUA Ɔ
Sɛ Bɛtane Wɔnye Po A, Mia Wɔnye Gyina Nu
Kenga Gyenesise 37:23-28; ɔne 39:17-23, na nea bɔ Yosef yɛle mmerɛ bɔ mmenia ne ye anni ye yé ne, ɔne bɔ ɛkɔhora kosua kofi nu ɔ.
Yɛ nhwehwɛmuɛ. Nzu yeɛ ɔmaa ebiemɔ ne Yosef anni ye yé ɔ? (Gye. 37:3-11; 39:1, 6-10) Mmerɛ tendenn sɛ, yeɛ ɔfa gyinane sɔ haw ne noa ɔ? (Gye. 37:2; 41:46) Sɔ mmerɛ ne, nzu yeɛ Yehowa yɛ fa bokale ye ɔ, na nzu yeɛ Yehowa anyɛ ɔ?—Gye. 39:2, 21; w23.01-TW 17 ¶13.
Sua pee boka so. Mmerɛ bɔ Pɔtifa aye pɛle edwirɛ tole Yosef so ne, Bible ne nga kyɛ Yosef hane edwirɛ bie fayele yenwo noa. Sɛɛ yeɛ tworɔnzɛm hemɔ boka yɛ maa yenwu bɔ yeti yeɛ ebia Yosef anga hwee, ɔne bɔ yeti yeɛ ɔnzɛkyɛ yɛnea atee kyɛ Bible ne kɔhã bɔ osili nanwo dwirɛ kɔhɔ siɛ ɔ? (Any. 20:2; Yoh. 21:25; Aso. 21:37) Subaen benimɔ yeɛ ebia ɔbokale Yosef maa ɔhora gyinane sɔ haw ne noa ɔ?—Mik. 7:7; Luka 14:11; Yak. 1:2, 3.
Nea bɔ ɛkɔhora kosua kofi nu ɔ. Bisa wɔnwo kyɛ:
-
‘Ɔnate kyɛ medi Yesu si nati, nzu yeɛ odikyɛ menea atee kyɛ mmenia kɔfa kɔyɛ me ɔ?’ (Luka 21:12, 16, 17; Heb. 10:33, 34)
-
‘Ahoboa beni yeɛ odikyɛ meyɛ, na sɛ mmenia tane menye a, mahora magyina ye noa ɔ?’ (Edw. 62:7, 8; 105:17-19; w19.07-TW 2-7)