ADESUA 02
Bible Ne Ma Anyelasoɛ
Mmenia bɔ bɛwɔ ewiase mukoraati ne yia ɔhaw bɔ ɔmaa bɛwora bɔ, dadwene hyɛ bɛso, na bɛte ɛyalɛ ɔ. Aso ayia sɔ tebea nemɔ bie lé anaa? Ebie a, né anwonyerɛ anaa wɔ dɔfo bie wue amaa eyia ɔhaw. Ebie a, ebisa wɔnwo kyɛ, ‘Yeti m’asetena baayɛ yé ɛɛn?’ Bible ne ma sɔ nzɛmmisa nanwo mmuaeɛ bɔ ɔkã ahõne ɔ.
1. Sɛɛ yeɛ Bible ne ma anyelasoɛ ɔ?
Nná ɔhaw bɔ ɔkɔso wɔ ewiase nanu ne ngome, yeɛ Bible ne kyirekyire nu ɔ. Na mmom, ɔma yɛ awerɛhyɛmuɛ kyɛ ɔngɔhyɛ sɔ nningyein ne mukoraati kofi berɛ. Bible bɔhyɛ ahoroɛ kɔhora “kɔma wɔ kyẽabie ɔne anyelasoɛ.” (Kenga Yeremia 29:11, 12.) Sɔ bɔhyɛ ahoroɛ ne boka yɛ maa yegyina ɔhaw ahoroɛ bɔ yeyiae ɛnnɛ ne noa, yenya subaen páa, ɔne anigye daa.
2. Kyẽabie beni yeɛ Bible ne kã yenwo dwirɛ ne?
Bible ne kã kyɛ kyẽabie “ewue kofi berɛ, na aworabɔlɛ ne esuɛ ɔne yalɛ kofi berɛ.” (Kenga Nyekyire 21:4.) Ɛnnɛ, ɔhaw ahoroɛ bɔ ɔmaa mmenia abanu bu tekyɛ—ehiaa, ndɛngyea, anwonyerɛ, ɔne ewue ne—okofi berɛ koraa. Bible ne hyɛ bɔ kyɛ sona nye kɔgye wɔ Paradise aseɛ so daa.
3. Ɛkɔyɛ sɛɛ na anya anwotɔsoɛ kyɛ bɔ Bible ahã ne kɔwa nu?
Mmeni pẽe fa bɛnye to asetena páa so, nakoso bellé adanzeɛ bɔ okyire kyɛ ɔkɔwa nu ɔ. Bɔ Bible ne hyɛ yenwo bɔ ne te sorongõ koraa. Sɛ “yɛto yɛ boase yɛneanea twerɔnzɛm nanu yé” a, yɛkɔhora yekonya bɔ ɔkã nanu awerɛhyemuɛ. (Asomafoɛ Ne Nnwumaa 17:11) Mmerɛ bɔ esua Bible ne, ekonwu adanzeɛ bɔ ɔkɔboka wɔ maa ekonya bɔ ɔkã fa kyẽabie nanu gyidie ɔ.
SUA PẼE BOKASO
Hyɛ nningyein ahoroɛ bɔ Bible ne ahyɛbɔ kyɛ ɔkɔwa nu kyẽabie nzorɛ. Nea kyɛbɔ Bible nanu anyelasoɛ ne aboka mmeni pẽe ɛnnɛ ɔ.
4. Bible ne hyɛ asetena páa ne daa ngõa nwo bɔ
Wɔde nea nningyein ahoroɛ bɔ Bible ne hyɛ yenwo bɔ ɔ. Benu beni paa yeɛ ɔkã w’ahõne ɔ? Nzuati ɔ?
Kenga twerɔnzɛm ahoroɛ bɔ ɔfa bɔhyɛ ahoroɛ nanwo ne, na susu nzɛmmisa ahoroɛ hemɔ nwo:
-
Enwui kyɛ twerɔnzɛm hemɔ ma wɔ anyelasoɛ anaa? Aso bɛkɔhora bɛkɔma wɔ mmusua ne wɔ nnamvomɔ anyelasoɛ anaa?
Fa wɔnye bu kyɛ ɛte ewiase bɔ
|
EBIALA . . . |
EBIALA . . . |
|---|---|
|
|
|
|
|
|
|
|
|
|
5. Anyelasoɛ bɔ ɔwɔ Bible nanu ne kora fa nzakraeɛ ba
Ɔnate ɔhaw ahoroɛ bɔ wapɛ yɛnwo wayia nati, wamaa mmeni pẽe aba nu abu. Ebiemɔ bɔ mmɔden kyɛ bɛkɔtoto nningyein maa ɔkɔyɛ yé. Bible nu bɔhyɛ bɔ ɔkã kyɛ, nningyein kɔyɛ yé ne, nea kyɛbɔ ɔboka mmeni pẽe ɛnnɛ ɔ. Bɔ VIDIO ne, na afei susu nzɛmmisa bɔ oli so hemɔ nwo.
-
Vidio nanu ne, ndɛengyea beni yeɛ né Rafika fa nu ɔ?
-
Ɔwɔ nu kyɛ, ndɛengyea bɔ né wapɛ yenwo wayia ne, waamvi berɛ de, nakoso sɛɛ yeɛ Bible ne bokale ye ɔ?
Sɛ yenya gyidie wɔ Bible bɔhyɛ bɔ ɔfa kyẽabie nwo nanu a, ɔkɔhora kɔboka yɛ maa y’ahõne kɔtɔ yɛkunu na yɛnye agye. Kenga Anyandera 17:22 ɔne Romanfoɛ 12:12, na afei susu nzɛmmisa hemɔ nwo:
-
Edé di kyɛ anyelasoɛ nwo dwirɛ bɔ ɔwɔ Bible nu ne, ɔkɔhora kɔboka wɔ maa ɛkɔyɛ nzakraeɛ wɔ w’asetena nu anaa? Nzuati ɔ?
EBIEMƆ KÃ KYƐ: “Bɔhyɛ ahoroɛ bɔ Bible ne kã fa kyẽabie nwo ne, ɔyɛ se kyɛ ɔkɔwa nu.”
-
Nzuati yeɛ odikyɛ wɔ bɔbɔ ɛyɛ ɛhe anwo nhwehwɛmuɛ ɔ?
YEMUABƆLƐ
Bible ne maa yenya anyelasoɛ, na bɔhyɛ ahoroɛ bɔ ɔwɔ nu ne koso boka yɛ maa yɛfa anigye yegyina ɔhaw ahoroɛ noa.
Ndimu
-
Nzuati yeɛ odikyɛ mmenia nya anyelasoɛ ɔ?
-
Nzu yeɛ Bible ne kã fa kyẽabie nwo ɔ?
-
Kyẽabie nwo anyelasoɛ bɔ ekonyae ɛnnɛ ne, sɛɛ yeɛ ɔkɔboka wɔ ɔ?
NEA ƐHE KOSO
Sua kyɛbɔ anyelasoɛ kɔboka wɔ maa ekogyina ɔhaw ahoroɛ noa ɔ.
“Anyelasoɛ—Niswa Yeɛ Ɛkɔhora Konya Ye Ɔ?” (Awake!, April 22, 2004)
Nea kyɛbɔ kyẽabie nwo anyelasoɛ ne kɔhora kɔboka bɛbɔ anwonyerɛ tetee bɛ ne.
“Sɛ Anwonyerɛ Bie Aasikye Wɔ So A—Bible Ne Kɔhora Kɔboka Wɔ Anaa?” (Edwirɛ bɔ ɔwɔ intanɛt so)
Mmerɛ bɔ ɛnea dwein nwo vidio he ne, pɛ yenwo mvonini kyɛ, ɛne w’abusua gye ɛmɔ nye wɔ Paradise bɔ Bible ne ahyɛ yenwo bɔ nanu.
Kenga kyɛbɔ ebie bɔ né ɔkõ ma mmenia anwofadié ne sesãne y’abrabɔ, mmerɛ bɔ osuane anyelasoɛ bɔ Bible ne kã yenwo dwirɛ ne.
“Mende Nga Kõ Kyɛ Me Yeɛ Odikyɛ Mesesã Ewiase Ne” (The Watchtower, July 1, 2013)
