ADESUA 08
Ɛkɔhora Kɔyɛ Yehowa Adamvo
Yehowa pena kyɛ, enwui yé. Nzuati ɔ? Odé di kyɛ, mmerɛ bɔ esua ye subaen, kyɛbɔ ɔne mmenia di dwirɛ, ɔne ye botaeɛ nwo nikyee pẽe ne, ekohuro kyɛ ɛne ye kɔfa adamvoa. Ɛnea a, ɛkɔhora kɔyɛ Nyameɛpiri damvo anaa? (Kenga Edwein 25:14.) Nzu yeɛ odikyɛ ɛyɛ kora, ná ahora ayɛ Nyameɛpiri adamvo? Bible ne ma sɔ nzɛmmisa nanwo mmuaeɛ, na ɔmaa enwu kyɛ, ɛne Yehowa adamvoa nanwo hia tra nikyee biala.
1. Nzu yeɛ Yehowa to asaa frɛ wɔ kyɛ ɛyɛ ɔ?
“Twẽ pingye Nyameɛpiri, na ye koso ɔkɔhwẽ kopingye wɔ.” (Yakobo 4:8) Ɛhe kyire sɛɛ? Yehowa to asaa frɛ wɔ kyɛ, ɛɛyɛ ye damvo. Ɔyɛ se ma ebiemɔ kyɛ bɛkɔhora bɛkɔfa ebie bɔ bɛngora bennwui ne adamvoa, na waayɛ kyɛ Nyameɛpiri. Nakoso, bɔ ɔkɔyɛ ná yahora y’apingye ye ne, Yehowa ahã ye subaen ne yenwo dwirɛ mukoraati wɔ ye Dwirɛ Bible nanu. Sɛ yɛkenga Nyameɛpiri dwirɛ bɔ ɔwɔ Bible nanu ne a, ɔmva yenwo kyɛ yennwui ne, yɛkɔhora ne ye konya abusuabɔ bɔ enu yɛ se ɔ.
2. Nzuati yeɛ Yehowa te adamvoa páa bɔ ɛkɔhora konya ɔ?
Ebiala nne berɛ bɔ ɔdɔ wɔ tra Nyameɛpiri ɔ. Ɔpena kyɛ wɔnye gye, ná ɛne ye dwudwo mmerɛ biala bɔ ehia ye mmokalɛ ne. Ɛkɔhora “kɔto wɔ dadwene mukoraati kogua ye so, ofikyɛ ɔdwene wɔnwo.” (1 Petro 5:7) Yehowa ayɛ krado kyɛ ɔkɔboka, okotie, ná wakyekye ye nnamvomɔ wora.—Kenga Edwein 94:18, 19.
3. Nzu yeɛ Yehowa pena fi ye nnamvomɔ berɛ ɔ?
Yehowa dɔ ebiala, “nakoso Ye nnamvo yeɛ olé bɛbɔ bɛtengyɛ” ɔ. (Anyandera 3:32) Yehowa nea atẽe kyɛ ye nnamvomɔ kɔbɔ mmɔden kɔyɛ bɔ ɔtengyɛ, na bayakyi nningyein bɔ ɔttemayé ne. Ebiemɔ te ngã kyɛ, bɛngɔhora ngɔyɛ nningyein bɔ Yehowa penakyɛ bɛyɛ ne mukoraati. Nakoso, Yehowa lé ndeaseɛ. Odé ebiala bɔ ɔdɔ Ye, ná ɔbɔ mmɔden kyɛ ɔkɔsɔ Yenye ne to nu.—Edwein 147:11; Asomafoɛ Ne Nnwumaa 10:34, 35.
SUA PẼE BOKASO
Sua kyɛbɔ ɛkɔhora kɔyɛ Yehowa adamvo nanwo nikye pẽe, ná nea nikyehorɛtibɔ ɔte Adamvoa páa ɔ.
4. Né Abraham te Yehowa adamvo
Abraham (bɔ né besa bɛfrɛ ye Abram) bɔ yenwo dwirɛ wɔ Bible nu ne, ɔmaa yenwu kyɛbɔ Nyameɛpiri adamvoafalɛ si te ɔ. Kenga Abraham nwo dwirɛ bɔ ɔwɔ Gyenɛsis 12:1-4 ne. Afei, susu nzɛmmisa hemɔ anwo:
-
Nzu yeɛ Yehowa hãhyirɛle Abraham kyɛ ɔyɛ ɔ?
-
Ɛbɔ beni yeɛ Yehowa hyɛle ye ɔ?
-
Sɛɛ yeɛ Abraham yɛle ye nikye wɔ Yehowa akwangyerɛ nwo ɔ?
5. Bɔ Yehowa pena kyɛ ye nnamvomɔ yɛ ɔ
Ɛyɛ a, yɛnea atẽe kyɛ yɛ nnamvomɔ kɔyɛ nningyein bie kɔma yɛ.
-
Nningyein beni yeɛ ɛpena kyɛ wɔ nnamvomɔ yɛ ma wɔ ɔ?
Kenga 1 Yohane 5:3, ná susu nzɛmmisa he anwo:
-
Nzu yeɛ Yehowa pena kyɛ ye nnamvomɔ yɛ ɔ?
Sɛ yɛ pena kyɛ yetie Yehowa a, odikyɛ yɛsesã yɛ subaen. Kenga Aizaya 48:17, 18, ná susu nzɛmmisa he anwo:
-
Nzuati yeɛ Yehowa pena kyɛ ye nnamvomɔ yɛ nzakraeɛ ɔ?
Adamvoa páa kae yɛ nningyein bɔ mvasoɛ wɔ so, bɔ ɔkɔhora kɔbɔ yɛnwo waen ɔ. Sɔ ala yeɛ Yehowa yɛ ma ye nnamvomɔ ɔ
6. Bɔ Yehowa yɛ fa boka ye nnamvomɔ ɔ
Yehowa boka ye nnamvomɔ maa begyina ɔhaw ahoroɛ noa. Bɔ VIDIO ne, afei susu nzɛmmisa bɔ oli so he anwo.
-
Atẽe beni aso yeɛ Yehowa bokale maame bɔ né ɔwɔ vidio nanu ne, maa ɔhora lili atengã tɛɛ ne adwenemmɔne bɔ ne olé na so ɔ?
Kenga Aizaya 41:10, 13, ná susu nzɛmmisa hemɔ nwo:
-
Nzu yeɛ Yehowa ahyɛ bɔ kyɛ ɔkɔyɛ kɔma ye nnamvo mukoraati ɔ?
-
Aso esusu kyɛ Yehowa kɔyɛ adamvoa páa anaa? Nzuati ɔ?
Abiɛngõɛ páa yeɛ olé bɔ wɔnwo kyere wɔ a, ɔboka wɔ ɔ. Yehowa koso kɔboka wɔ
7. Sɛ yɛne Yehowa kɔfa adamvo a, odikyɛ yɛne ye bɔ ngɔmmɔ
Nnamvoa bɔ bɛbɔ ngɔmmɔ ne yeɛ b’afĩa yɛ se ɔ. Kenga Edwein 86:6, 11, ná susu nzɛmmisa hemɔ anwo:
-
Yɛkɔyɛ sɛɛ né yɛne Yehowa abɔ ngɔmmɔ?
-
Sɛɛ yeɛ Yehowa ne yɛ bɔ ngɔmmɔ ɔ?
Yɛnate mbaeɛ so ne Yehowa dwudwo; na ye koso, ɔnate Bible naso ne yɛ dwudwo
EBIEMƆ KÃ KYƐ: “Yɛ ne Nyameɛpiri ngɔhora ngɔfa adamvoa llé.”
-
Twerɔnzɛm beni yeɛ ɛkɔfa kohyire kyɛ, yɛne Yehowa kɔhora kɔfa adamvoa ɔ?
YEMUABƆLƐ
Yehowa pena kyɛ ɔyɛ wɔ Damvo, na ɔkɔboka wɔ maa ɛkɔhwẽ kopingye ye.
Ndimu
-
Sɛɛ yeɛ Yehowa boka ye nnamvomɔ ɔ?
-
Nzuati yeɛ Yehowa kã kyire ye nnamvomɔ kyɛ, bɛyɛ nzakraeɛ ɔ?
-
Yehowa pena pẽe fi ye nnamvomɔ berɛ anaa? Nzuati ɔ, anaa nzuati yeɛ enné nni ɔ?
NEA ƐHE KOSO
Sɛɛ yeɛ ɛne Nyameɛpiri adamvoafalɛ ne kɔhora kɔsesã w’asetena ɔ?
“Yehowa—Nyameɛpiri Bɔ Yenwo Hia kyɛ Enwui Ɔ” (The Watchtower, February 15, 2003)
Sua kyɛbɔ ɛkɔhora kɔyɛ Nyameɛpiri damvo nanwo nikye.
Nea kyɛbɔ maame bie tele ngã kyɛ adamvoa bɔ ɔne Yehowa fale ne abɔ yenwo waen ɔ.
Tie kyɛbɔ mmabunu biemɔ kã bɛne Yehowa afĩa abusuabɔ nwo dwirɛ ɔ.
