Yesu hyirehyirele kyɛ, ɔte Kristofoɛ asɛyɛdeɛ kyɛ bɛkɔbɔ asu. (Kenga Mateo 28:​19, 20.) Nakoso asubɔ te nzu? Na nzu yeɛ odikyɛ ebie yɛ kora na wadwu sɔ botaeɛ nanwo ɔ?

1. Asubɔ te nzu?

Bɛyele edwirɛ “asubɔ” befili Greek dwudwolɛ bɔ okyire “fa wura” nzue bo nu. Mmerɛ bɔ bɛbɔ Yesu asu ne, bɛfale ye bewurale Yordan Asubɔden nanu, na afei ofili “nzue nanu fetele.” (Marko 1:​9, 10) Sɔ ala koso yeɛ, sɛ nahorɛ Kristofoɛ bɔ asu a, bɛfa bɛ nipadua ne mukoraati wura nzue nu.

2. Nzu yeɛ asubɔ maa ɔda adi ɔ?

Sɛ ebie bɔ asu a, ɔda yali kyɛ wayira yenwo so wama Yehowa Nyameɛpiri. Nzu yeɛ ebie yɛ fa yira yenwo so ɔ? Kora bɔ ebie kɔbɔ asu ne, ɔbɔ mbaeɛ wɔ kokoanu kã kyire Yehowa kyɛ ɔkɔsõ Ye daa. Ɔhyɛ bɔ kyɛ ɔkɔsõ Yehowa ngome na ɔmaa Yehowa apɛdeɛ bɔ ɔkɔyɛ ne nwo hia ye tra nikyee biala wɔ y’asetena nu. Osi gyinaeɛ kyɛ “ɔkɔpa yenwo sĩ na. . . wahɔso wali” Yesu ngyerɛkyerɛ ne ye nneasoɛ sĩ. (Mateo 16:​24) Anwosoyiralɛ ne asubɔ maa sona ne kora ne Yehowa ne oliemamɔ kristofoɛ nya abusuabɔ bɔ enu yɛ se ɔ.

3. Ɔkɔyɛ sɛɛ na ebie ahora anya ngɔsoɛ wabɔ asu?

Ɛkɔhora kosiesie wɔnwo kɔma asubɔ mmerɛ bɔ esua Yehowa nwo nikye, na ɛma gyidie bɔ ele wɔ ye nu nanu yɛse ne. (Kenga Hebrifoɛ 11:6.) Mmerɛ bɔ wɔ nimdeɛ ɔne wɔ gyidie nyi ne, na ɔdɔ bɔ ele ma Yehowa ne koso yɛ piri. Aporowaa biala ne yenwo kyɛ, ekohuro kyɛ ɛkɔhã yenwo dwirɛ na afa ye mmraa abɔ wɔ bra. (2 Timoteo 4:2; 1 Yohane 5:3) Sɛ ebie pena kyɛ “ɔyɛ bɔ ɔsɔ Yehowa nye paa a,” odikyɛ osi gyinaeɛ kyɛ okohyira ye ngõa so kɔma Nyameɛpiri na w’abɔ asu.​—Kolosefoɛ 1:​9, 10. a

 SUA PẼE BOKASO

4. Yɛkɔhora yekosua nikyee bie yekofi Yesu asubɔ nanu

Kenga Mateo 3:​13-​17 sɛ ɛpena Yesu asubɔ nanwo dwirɛ pẽe a, susu nzɛmmisa hemɔ nwo:

• Mmerɛ bɔ bɛbɔle Yesu asu ne, né ɔte adɔma anaa?

• Sɛɛ Yeɛ bɛbɔle ye asu ɔ? Aso bɛfale nzue bɛpete ne yeso anaa?

Yesu bɔle asu kora, yeɛ ɔhyɛ adwuma titire bɔ Nyameɛpiri famane ye wɔ aseɛ so nabo ɔ. Kenga Luka 3:​21-​23 ɔne Yohane 6:​38, na susu nzɛmmisa he anwo:

• Yesu bɔle asu sĩ ne, adwuma beni yeɛ ɔfa lilimoa wɔ ye asetena nu ɔ?

5. Asubɔ te botaeɛ bɔ yenwo hia ɔ

Ebia ahyɛaseɛ ne, esuroen kɔhora kɔhã wɔ kyɛ ekoyira wɔnwo so na abɔ asu. Nakoso, ɛkɔhora kotu mbɔn kodwu nekaa bie bɔ ekonya anwotɔsoɛ kɔfa kosi sɔ gyinaeɛ bɔ yenwo hia he ɔ. Sɛ ɛpena kyɛ enwu mmenia bɔ bahora bayɛ sɔ a, bɔ VIDIO ne.

Kenga Yohane 17:3 ɔne Yakobo 1:​5, na susu nzɛmmisa he anwo:

• Nzu yeɛ ɔkɔhora kɔboka ebie maa okosiesie yenwo kɔma asubɔ ɔ?

1. Yeyira yɛnwo so mmerɛ bɔ yɛkã yekyire Yehowa kyɛ yɛkɔsõ ye daa ne

2. Sɛ yɛbɔ asu a, yɛmaa afoforɛ nwui kyɛ yayira yɛnwo so yama Nyameɛpiri

 6. Asubɔ kyire kyɛ ɛbaaboka Yehowa abusua naso

Sɛ yɛbɔ asu a, yɛbaboka ewiase mukoraati abusua bɔ bɛte kõ naso. Ɔwɔ nu kyɛ yefi nekaa ahoroɛ, na ɔsono ebiala ne ye amammerɛ, nakoso yegyidie te kõ, na abrabɔ nwo mmraa komaapɛ yeɛ yemukoraati yɛfa yɛyɛ adwuma ɔ. Kenga Edwein 25:​14 ɔne 1 Petro 2:​17, na susu nzɛmmisa he anwo:

• Sɛɛ yeɛ asubɔ kã abusuabɔ bɔ ɔla ebie ne Yehowa ɔne afoforɛ bɔ bɛsõ Ye ne afĩa ɔ?

 YEMUABƆLƐ

Yesu hyirehyirele kyɛ yenwo hia kyɛ Kristofoɛ bɔ asu. Sɛ ebie kɔhora kodwu sɔ botaeɛ nanwo a, odikyɛ onya gyidie bɔ enu yɛse wɔ Yehowa nu, ɔfa ye mmraa bɔ ye bra, na oyira yenwo so ma Ye.

Ndimu

• Nzu yeɛ ole asubɔ, na nzuati yeɛ yenwo hia ɔ?

• Abusuabɔ beni yeɛ ɔla anwosoyiralɛ ne asubɔ nwo ɔ?

• Nzu yeɛ odikyɛ ebie yɛ kora na wayira yenwo so wabɔ asu ɔ?