ADESUA 42
Nzu Yeɛ Bible Ne Kã Fa Sigyalilɛ Ne Agyaa Nwo Ɔ?
Wɔ amammerɛ biemɔ nu ne, bedé bedi kyɛ sɛ ebie nye kɔhora kɔgye a, sana ogya. Nakoso nna agyaafoɛ mukoraati yeɛ bɛnye gye ɔ, na ɔtte asigyafoɛ mukoraati yeɛ belle anigye ɔ. Nahorɛ nu ne, Bible ne kã agyaa ne sigyalilɛ mukoraati nwo dwirɛ kyɛ ɔte akyɛdeɛ.
1. Mvasoɛ beni yeɛ ɔwɔ sigyalilɛ so ɔ?
Bible ne kã kyɛ: “Ebiala bɔ okogya ne, wayɛ nikye, nakoso bɔ ogyalle ne ayɛ nikyee atra bɔ wagya ne.” (Kenga 1 Korintofoɛ 7:32, 33, 38.) Atẽe beni aso yeɛ sɛ ebie di sigya a, “wayɛ nikye” ɔ? Kristofoɛ asigyafoɛ lle asɛyɛdeɛ biala kyɛ bɛkɔnea bɛnwokãfoɛ. Ɛhene ati bele anwofadie pẽe. Kyɛ nneasoɛ ne, ebiemɔ kora tu kɔ maen foforɛ kɔka edwirɛ pá ne fa trɛ bɛ soen adwuma nanu. Na bɔ ɔtra yemukoraati ne, benya mmerɛ pẽe bɛfa bepingyé Yehowa.
2. Sɛ yegya wɔ atẽe pá so a, mvasoɛ beni yeɛ ofi nu ba ɔ?
Te kyɛ sigyalilɛ ne, agyaa koso fa mvasoɛ pẽe ba. Bible ne kã kyɛ “Mmenia nyɔ te pá tra sonahorɛ.” (Ɔsɛngafoɛ 4:9) Sɔ dwirɛ he te nahorɛ paa wɔ Kristofoɛ bɔ bɛfa Bible nu nnyinasoɛdwirɛ bɛyɛ adwuma wɔ bagyaa nu ne. Agyaafoɛ bɔ bagya wɔ atẽe pá so ne, bɛhyɛ bɛnwo bɔ kyɛ bɛkɔla ɔdɔ, obuo, ɔne anyesɔ ali bekohyire bɛnwo. Afei koso benya anwobanmmɔ bɛtra mmenia nyɔ bɔ bɛte berɛ kyɛ agyaafoɛ koso begyalle ne. Na bɛmaamɔ koso nya anwobanmmɔ.
3. Sɛɛ yeɛ Yehowa bu agyaa ɔ?
Mmerɛ bɔ Yehowa hyehyɛle agyaa bɔ olimoa ne, ɔhãne kyɛ: “Brenzua kɔyakyi ye maame ne ye baba berɛ, na wafa yenwo waabata ɔye nwo.” (Gyenɛsis 2:24) Yehowa pena kyɛ agyaafoɛ dɔ bɛnwo, ná bɛkɔso bɛtena bɛbɔ nu, mmerɛ dodoɔ bɔ bɛte ngõa nu ne. Sɛ agyaafoɛ nanu kõ bɔ adwamman a, yeɛ ɔma atẽe kyɛ bɛkɔhora bekoyira ɔ. Ɔba sɔ a, Yehowa ma ɔwokãfoɛ bɔ edwirɛ nne yenwo ne atẽe maa osi gyinaeɛ kyɛ, okoyira anaa kyɛ ongoyira. a (Mateo 19:9) Yehowa mma atẽe kyɛ Kristofoɛ kogya kɔbo kõ.—1 Timoteo 3:2.
SUA PẼE BOKASO
Nea kyɛbɔ wɔnye kɔhora kɔgye —na amaa Yehowa koso nye agye—ɔmva yenwo kyɛ ɛte sigyaniɛ anaa kyɛ agya ne.
4. Fa akyɛdeɛ bɔ yeɛ ole sigyalilɛ ne di dwumaa yé
Yesu buli sigyalilɛ kyɛ ɔte akyɛdeɛ. (Mateo 19:11, 12) Kenga Mateo 4:23, na susu nzɛmmisa he anwo:
-
Sɛɛ yeɛ Yesu fale akyɛdeɛ bɔ yeɛ ole sigyalilɛ ne sõne ye Baba, na ɔfa bokale afoforɛ ɔ?
Kristofoɛ asigyafoɛ koso kɔhora konya anigye tekyɛ bɔ Yesu nyane ye ne. Bɔ VIDIO ne, na susu nzɛmmisa bɔ olili so he anwo.
-
Atẽe beni aso yeɛ Kristofoɛ kɔhora kɔfa bɛ sigyalilɛ koli dwumaa yé ɔ?
Ɛse?
Bible ne ngã afoɛ bɔ odikyɛ ebie di kora ne wagya ɔ. Nakoso, Bible ne hyɛ yɛ ngunaen kyɛ odikyɛ ebie nwondɛ maa “mmerɛ bɔ ɔte ɔbabunu,” bɔ ɔnate kyɛ ye ngate noa yɛse ti, ɔngɔhora ngosi gyinaeɛ pá ne pɛ nu kora ne wagya.—1 Korintofoɛ 7:36.
5. Ye wɔ nwokãfoɛ nyanza nu
Wɔ nwokãfoɛ bɔ ɛkɔye ne te gyinaeɛsi bɔ yenwo hia paa wɔ w’asetena nu ɔ. Kenga Mateo 19:4-6, 9, na susu nzɛmmisa he anwo:
-
Nzuati yeɛ ɔnzɛkyɛ Kristoniɛ pere yenwo wɔ agyaa nwo ɔ?
Bible ne kɔhora kɔboka wɔ maa ekonwu bɔ odikyɛ ɛpena fi bɔ ɛkɔgya ye ne berɛ ɔ. Bɔ ɔtera yemu ne, pena agyaa nu nwokãfoɛ bɔ ɔdɔ Yehowa. b Kenga 1 Korintofoɛ 7:39 ɔne 2 Korintofoɛ 6:14. Na susu nzɛmmisa hemɔ anwo:
-
Nzuati yeɛ odikyɛ yegya yeliemamɔ Kristofoɛ ngome ɔ?
-
Sɛ yegya ebie bɔ ɔnnɔ Yehowa a, ɛnea sɛɛ yeɛ ɔkɔte ngã ɔ?
Sɛ ɛfa kondua to ngaka bɔ ɔsono ebiala ne y’anwoserɛ kɔme anu a, bɛkɔfɛ. Sɔ ala yeɛ sɛ Kristoniɛ gya ebie bɔ ɔsono ye gyidie a, okoyia ɔhaw pẽe ɔ
6. Bu agyaa kyɛbɔ Yehowa bu ye ne
Wɔ tete Israel ne, ebiemɔ ngyinane pɛsamangomenya so yeɛ beyirale bɛyemɔ ɔ. Kenga Malaki 2:13, 14, 16, na susu nzɛmmisa he anwo:
-
Nzuati yeɛ Yehowa kyi agyaayiralɛ bɔ oggyĩ Bible so ɔ?
Agyaasɛkyelɛ ɔne agyaayilalɛ maa ɔnwokãfoɛ bɔ edwirɛ nne yenwo ne, ɔne ye mmaamɔ nwu amaneɛ
Bɔ VIDIO ne, na susu nzɛmmisa bɔ olili so he anwo.
-
Sɛ wɔ nwokãfoɛ te ebie bɔ ɔnnɔ Yehowa a, ɛkɔyɛ sɛɛ na ama anigye awa agyaa nanu?
7. Fa Yehowa mmraa bɔ ɔfa agyaa nwo ne yɛ adwuma
Ebia odikyɛ ebie bɔ yenwo mmɔden kora, na wahora wafa Yehowa mmraa bɔ ɔfa agyaa nwo ne wayɛ adwuma. c Nakoso sɛ ebie kora yɛ sɔ a, Yehowa hyira ye. Bɔ VIDIO ne.
Kenga Hebrifoɛ 13:4, na susu nzɛmmisa hemɔ anwo:
-
Edédi kyɛ ndeaseɛ wɔ Yehowa mmraa bɔ ɔfa agyaa nwo nanu anaa? Nzuati ɔ, anaa nzuati yeɛ enné nni ɔ?
Yehowa pena kyɛ Kristofoɛ fa b’agyaa wura mmraa bo, na sɛ beyira koso a, odikyɛ bɛkɔpɛ nu wɔ mmraa nu, kyɛbɔ maen bɔ bɛte nu ne mmraa te ɔ. Kenga Tito 3:1, na susu nzɛmmisa he anwo:
-
Sɛ agya a, aso afa w’agyaa ne awura awaen mmraa nu anaa?
EBIA EBIE KOBISA KYƐ: “Nzuati yeɛ odikyɛ egya ɔ? Aso mmenia nyɔ ngɔhora ngɔbonu ngɔtena berɛ bɔ begyalle anaa?”
-
Ɛkɔye yenoa sɛɛ?
YEMUABƆLƐ
Sigyalilɛ ne agyaa te akyɛdeɛ bɔ ofi Yehowa berɛ ɔ. Sɛ agyaafoɛ ne asigyafoɛ fa Yehowa akwangyerɛ yɛ adwuma a, bɛ nye kɔhora kɔgye.
Ndimu
-
Sɛɛ yeɛ ebie kɔhora kɔfa ye sigyalilɛ koli dwumaa yé ɔ?
-
Nzuati yeɛ Bible ne kã kyɛ yegya yeliemamɔ Kristofoɛ ngome ɔ?
-
Nzu yeɛ Tworɔnzɛm ne kã kyɛ yɛkɔhora yekogyina so yekoyira ɔ?
NEA ƐHE KOSO
Sɛ bɛkã kyɛ yegya wɔ “Awurade ngome nu a,” okyire sɛɛ?
“Nzɛmmisa Bɔ Ofi Kengalɛfoɛ Berɛ” (The Watchtower, July 1, 2004)
Nea vidio ahoroɛ nyɔ bɔ ɔkɔhora kɔboka wɔ maa ekosisi gyinaeɛ pá, mmerɛ bɔ ɛyɛ agyaa nwo nhyehyɛeɛ ne.
Nea nikyehorɛ tibɔ aliemaa kõ tele ngã kyɛ, bɔ Yehowa afa ama ye ne sombo tra nikyee biala bɔ wahwore ɔ.
Kora bɔ ebie koyira anaa ɔkɔtete nu ne, nningyein benimɔ yeɛ odikyɛ odimoa susu yenwo ɔ?
“Bɔ ‘Nyameɛpiri Ahã Bonu Ne,’ Di Ye Ni” (The Watchtower, December 2018)
a Nea Ayieleɛ Dwirɛ 44 bɔ ɔfa ndetemuɛ bɔ agyaasɛkyelɛ bbokaso nwo ɔ.
b Wɔ amammerɛ biemɔ nu ne, awofoɛ yeɛ bɛpena agyaa nu nwokãfoɛ bɛma bɛwa ɔ. Sɛ sɔ yeɛ tebea ne te wɔ wɔ bue nu a, awofoɛ bɔ bele ɔdɔ mva b’adwene nzie esikaa anaa dumaa bɔ ebie le so, mmom ne bɛpena ebie bɔ ɔdɔ Yehowa ɔ.
c Sɛ ɛne ebie bɔ egyale ye te berɛ a, wɔ bɔbɔ yeɛ ekosi gyinaeɛ kyɛ ekogya ye anaa kyɛ engogya ye ɔ.
