ADESUA 45

Sɛ Bɛkã Kyɛ Eggyĩ Bue Biala Sĩ A, Okyire Sɛɛ

BƆ

Yesu hyirehyire kyɛ ye sĩlilɛfoɛ “tte ewiase ne bue.” (Yohane 15:19) Ɛhe kyire kyɛ ɔnzɛkyɛ begyina bue biala sĩ—na ɔnzɛkyɛ bɛfa bɛnwo bewura ewiase amanyɔnzɛm ne kõɛ nu. Nahorɛ dwirɛ yeɛ ole kyɛ, ɔllase kyɛ ɛngɔgyina bua biala sĩ ɔ. Ɔba sɔ a, ebia bɛkɔhora bɛkɔgoro yɛnwo ɔnate bue biala bɔ yegyĩ nati. Yɛkɔyɛ sɛɛ ne yahora yali nahorɛ yama Yehowa Nyameɛpiri, mmerɛ bɔ yengogyina bue biala sĩ ɔ?

1. Sɛɛ yeɛ nahorɛ Kristofoɛ bu sona awaen ahoroɛ ɔ?

Kristofoɛ bu awaen ne paa. Yɛyɛ bɔ Yesu hãne kyɛ “yetua Kaesare deɛ yɛma Kaesare”—bɔ yeɛ ole, atumvoɛ nemɔ bɔ yekotie bɛ, ɔne ɛtoɔ ahoroɛ bɔ yetua ne. (Marko 12:17) Bible ne kã kyɛ sona awaen di yɛ so ofikyɛ Nyameɛpiri yeɛ wama bɛ atẽe kyɛ beli yɛso ɔ. (Romanfoɛ 13:1) Yeti ɛhe kae yɛ kyɛ tumi bɔ sona awaen le ye ne, ondwu Nyameɛpiri deɛ. Yɛnea atẽe kyɛ yɛ Nyameɛpiri kɔfa ye anwuro Ahennie ne kosiesie sona ɔhaw mukoraati.

2. Yɛkɔyɛ sɛɛ ne yahyire kyɛ yeggyi bue biala sĩ?

Tekyɛ Yesu ne, yɛmva yɛnwo yenwura amanyɔnzɛm nu. Mmerɛ bɔ mmenia ne nwuni Yesu anwanwadeɛ nanu kõ ne, bɛbɔle mmɔden kyɛ bekosi ye hene wɔ aseɛ he aso, koso wamma yenwo atẽe koraa. (Yohane 6:15) Nzuati ɔ? Ofikyɛ, kyɛbɔ ɔhãne ye nziɛen ne, “m’Ahennie offi ewiase he anu.” (Yohane 18:36) Tekyɛ Yesu sĩlilɛfoɛ ne, yɛnate atẽe pẽe so yeɛ yɛda yali kyɛ yeggyi bue biala sĩ ɔ. Kyɛ nneasoɛ ne, yɛngɔ kõɛ. (Kenga Mika 4:3.) Yebu maen agyina ahyɛdeɛ ahoroɛ—tekyɛ flag—nakoso yɛnzõ bɛ. (1 Yohane 5:21) Yengyina amanyɔkue bie sĩ, na yɛndwudwo yɛndia amayɔnzɛm nuniɛ biala koso. Wɔ atẽe foforɛ ne ɛhe aso ne, yɛfa nahorɛlilɛ bɔ odimu yɛda yali kyɛ yebu Nyameɛpiri awaen bɔ yeɛ ole—y’Ahennie ne.

SUA PẼE BOKASO

Nea tebea bɔ ɔkɔhora kɔsɔ bue biala bɔ yegyĩ ne sĩ ne kɔnea, na nea kyɛbɔ ɛkɔhora kosi gyinaeɛ maa ɔkɔsɔ Nyameɛpiri ɔ.

3. Nahorɛ Kristofoɛ de, beggyĩ bue biala sĩ

Yesu ne ye sĩlilɛfoɛ ne ayɛ nneasoɛ ama yɛ. Kenga Romanfoɛ 13:1, 5-7 ɔne 1 Petro 2:13, 14. Na, bɔ VIDIO ne na susu nzɛmmisa hemɔ anwo.

VIDIO: Nahorɛ Kristofoɛ De, Beggyĩ Bue Biala Sĩ—Bue 1 (4:28)

Nzuati yeɛ odikyɛ yekyire obuo yɛma sona awaen ahoroɛ ɔ?
Atẽe ahoroɛ beni yeɛ yɛkɔhora yɛkɔfa so yekohyire kyɛ, yɛbrɛ yɛnwo ase yɛma bɛ ɔ?

Ɔtɔ mmerɛ bie a wɔ kõɛ nune, maen biemɔ kora kã kyɛ beggyĩ bue biala sĩ, nakoso bɛpene kue nyɔ nemɔ so kyɛ bɛhõ ngodĩi. Sɛ bɛkã kyɛ eggyĩ bue biala sĩ koraa a, okyire sɛɛ? Kenga Yohane 17:16. na, bɔ VIDIO ne na susu nzɛmmisa hemɔ anwo.

VIDIO: Nahorɛ Kristofoɛ De, Beggyĩ Bue Biala Sĩ—Bue 2 (3:11)

Sɛ bɛkã kyɛ eggyĩ bue biala sĩ a, okyire sɛɛ?

Na sɛ sona awaen pena kyɛ ɛyɛ nikyeebie bɔ otia Nyameɛpiri mmraa koso ɛɛ? Kenga Asomafoɛ Ne Nnwumaa 5:28, 29. Na, bɔ VIDIO ne na susu nzɛmmisa hemɔ anwo.

VIDIO: Nahorɛ Kristofoɛ De, Beggyĩ Bue Biala Sĩ —Bue 3 (1:18)

Sɛ ɔba sona mmraa ne Nyameɛpiri mmraa a, enu beni yeɛ odikyɛ yetie ɔ?
Tebea ahoroɛ beni yeɛ esusu kyɛ ɔnzɛkyɛ Kristofoɛ tie sona awaen ɔ?

4. Fa wɔ dwudwolɛ ne wɔ nneyeɛ da ye ali kyɛ eggyĩ bue biala sĩ

Kenga 1 Yohane 5:21. Na, bɔ VIDIO ne na susu nzɛmmisa hemɔ anwo.

VIDIO: Nikyehorɛ Tibɔ Nahorɛ Kristofoɛ Hia Akokoduro—Wɔ Bue Biala Bɔ Bɛngogyina Nu (2:49)

Wɔ vidio nanu ne, nzuati yeɛ Ayenge sili gyinaeɛ kyɛ, ɔngɔfa yenwo ngɔboka amayɔnzɛm kue anaakyɛ maen afahyɛ, tekyɛ flag bɔ ɔkɔhyia ye nanu ɔ?
Esusu kyɛ gyinaeɛ bɔ osili ne, né nworɛ wɔ nu anaa?

Tebea foforɛ beni yeɛ ɔkɔhora kɔsɔ bue biala bɔ yengogyina ne kɔnea ɔ? Bɔ VIDIO ne, na susu nzɛmmisa bɔ olili so hemɔ anwo.

VIDIO: Bɔ Yasua Yafi Ɛwɛnenɛ Awaen Nanu—Nnɛgyina Bue Biala Sĩ Wɔ Ewiase Bɔ Enu Apakyepakye He Anu (5:16)

Sɛ ɔba maen ne angorɛlilɛ nu a, sɛɛ yeɛ yekohyire kyɛ yeggyĩ bue biala sĩ ɔ?
Sɛ yenya mvasoɛ po yefi amanyɔfoɛ berɛ a, sɛɛ yeɛ ɔnzɛkyɛ yegyina bue biala sĩ ɔ?
Sɛɛ yeɛ news anaa abiengoɛ bɔ yɛkɔfa ne kɔhã bue biala sĩ bɔ yengogyina ne ɔ?