Kyɛbɔ ekonya sɔ Bible adesua he aso mvasoɛ ɔ
Bɔ olimoa ne, nea sɔ anyunu dwirɛ he, na afei bɔ VIDIO ne.
BUE BƆ OLIMOA
Sɛ esiesie wɔnwo ma adesua biala a, kenga ye bue bɔ olimoa ne. Nea nzɛmmisa ahoroɛ bɔ bayɛ ye bire paa (A) ɔne twerɔnzɛm (B) bɔ osi adwene bɔ ɔwɔ nu naso dua ne. Hyɛ ye nzorɛ kyɛ bahworɔ twerɔnzɛm biemɔ nwo kyɛ “kenga.”
BUE BƆ ƆTƆ SO NYƆ
Edwirɛ bɔ olimoa bɔ ɔwɔ (D) Sua Pẽe Bokaso bo berɛ ne kyirekyire bɔ oli so nanu. Edwirɛti mmaammaa (E) bɔ ɔwɔ nu ne maa enwu bɔ ekosusu yenwo ɔ. Ɛne wɔ kyerɛkyerɛniɛ ne kenga twerɛnzɛm ahoroɛ bɔ ɔwɔ nu ne, bua nzɛmmisa ahoroɛ ne, na ɛmɔnea vidio ahoroɛ ne koso.
VIDIO alaka ahoroɛ ne kɔmaa ekonwu vidio bɔ ɛkɔhora kɔnea ɔ. Vidio ne bie wɔ berɛ a, ɔmaa enwu edwirɛ pɔtee bɔ osisili ɔ. Ebie koso wɔ berɛ a, engonwu nekaa pɔtee bie, anaa mmenia wɔ nu, nakoso ekonwu nningyein bɔ badrɔdrɔ bɔ ɔkɔmaa ekonwu edwirɛ biemɔ bɔ osisili ɔ.
Susu mvoni ahoroɛ, ɔne edwirɛ bɔ bahworɔ bagua yebo berɛ nanwo (Ɛ), na nea kyɛbɔ ɛkɔma bɔ Ebiemɔ Kã Kyɛ nanwo mmuaeɛ ɔ (F).
BUE BƆ ƆPƐ YEBO
Yemuabɔlɛ, ɔne ndimu (G) ne yeɛ ɔbɔ adesua ne mua ɔ. Sɛ ɛmɔyie adesua ne a, tworɔ date bɔ ɛmɔfa beyiele ne. Botaeɛ (H) ne maa enwu bɔ odikyɛ edwu yenwo ɔ. Nea Ɛhe Koso (I) bue berɛ ne bukye yenwo atẽe maa ɛkora kenga anaa ɛnea vidio.
Bɔ Ɔwɔ Nu Ɔ
|
|
|
|
Kyɛbɔ ekonwu Bible ngyekyɛmuɛ bie ɔ
Nwomaa mmaammaa 66 yeɛ ɔkã bɔ nu yeɛ Bible ne ɔ. Bahyɛ nu bayɛ ye bue nyɔ: Hebri-Aramaic Tworɔnzɛm (“Apam Daa”) yeɛ Kristofoɛ Hela Twerɔnzɛm (“Apam Foforɛ”).
Sɛ ɛpena Twerɔnzɛm bie wɔ nwomaa he anu a, bɔ ɔkɔyɛ na anwui ne, (A) gyi berɛ ma Bible nu nwomaa, (B) gyi berɛ ma ye ti, yeɛ (D) gyi berɛ ma ngyekyemuɛ ahoroɛ ne.
Kyɛ nneasoɛ ne, Yohane 17:3 ne twẽ adwene sie Yohane nwomaa ne, yeti 17, ngyekyemuɛ 3 naso.
