BUE 5
Nzueyilɛ Piri Ne—Nwamɔ Yeɛ Betiɛle Ɔ? Nwamɔ Yeɛ Bandie Ɔ?
Nowa aberɛ sofoɛ ne pẽe yɛle bɔne. Genesis 6:5, NWT
Adam ne Hawa wole mmaa, na sona yɛle pẽe wɔ aseɛ so. Yesi ne, abɔfoɛ ne bie tele atua bɛɛbokale Satan so.
Bɛwale aseɛ he aso bɛɛfale sona anwonaen bedwirale bɛnwo, kyɛ bɔ bɛkɔhora bekogya mmrasua ɔ. Mmrasua ne wole mmaa bɔ bɛte sorongo, né bɛnwo yɛ se, na né bɛte keka.
Aseɛ naso yɛle nnebɔneyɛfoɛ ngome. Bible ne kã kyɛ: “Sona fale bɔne yili aseɛ he aso, na né b’ahone nu nzusuleɛ te bɔne ngome.”
Hebrifoɛ 11:7
Nowa tiele Nyameɛpiri na ɔyɛle alaka ne.Né Nowa te sona páa. Yehowa hã hyirɛle Nowa kyɛ Ɔbaafa nzueyilɛ bie basɛkye abɔnefoɛ.
Nyameɛpiri sa hã hyirɛle Nowa kyɛ ɔyɛ alaka piri bie na ɔfa y’abusua ne ngaka ahoroɛ pẽe hɔ nu.
Nowa bɔle mmenia ne kɔkɔ wɔ Nzueyilɛ bɔ né ɔ́ba nanwo, nakoso bandie. Ebiemɔ po serele Nowa; ebie koso pɔle ye.
Nowa yiele alaka nen, ɔfale ngaka ne hɔle nu.