Bungbi ti Nzapa ti aTémoin ti Jéhovah so ayeke na ndö ti sese kue (“bungbi ti Nzapa”) ane droit ti vie privée ti zo oko oko kue nga abâ na nene ni tënë ti batango asango so a mû na e. E bâ so a yeke kota ye ti sara lisoro nzoni nga polele, nga so a yeke kota ye ti bungbi asango nde nde so azo amû tongaso si amû lege na e ti bâ lege ti bezoin ti aTémoin ti Jéhovah oko oko nga ti sara kua ti Nzapa ti e nga ti mungo maboko na azo nzoni; e bâ nga so a yeke kota ye ti bata asango so a mû na e nzoni nga ti fa ni na azo ape (aProverbe 15:22; 25:9). E bâ na nene ni mingi tënë ti confidentialité.​—aProverbe 20:19.

Gbâ ti akodro azia ambeni ndia na sese na ndö ti tënë ti batango asango so azo amû tongaso si a ne droit ti vie privée ti ala. Depuis la a hinga bungbi ti aTémoin ti Jéhovah, so na yâ ni mo yeke wara andokua ti ala, tongana azo so ayeke ne droit ti vie privée ti zo nga so ayeke bata tënë ti confidentialité; ala sara ni même kozo ti tene a sigi na andia na ndö ti tënë ti batango asango. E yeke ngbâ ande lakue ti bata asango ni so a mû na e so tongana ti so e yeke sara ka depuis.

Arègle ti batango asango so azo amû. Bungbi ni ayeke traité asango so azo amû ti gue oko na aye so a fa na gbe ni ge so:

1. A yeke traité asango ni na lege ni nga ti lingbi na ndia.

2. A yeke bungbi asango ni, a yeke traité ni na a yeke mû ni ti sara gï na kua ti Nzapa nga ti mû maboko na azo.

3. Asango ni adoit ti duti na lege ni nga a doit ti sara mise à jour ni lakue. Tongana bungbi ni abâ so mbeni erreur ayeke dä, a lingbi acorrigé ni hio.

4. A yeke bata asango ni juska ti tene bungbi ni ahunzi ti sara ye so wala aye so a ye ti sara na ni si.

5. A yeke gi ti bâ nzoni si ane droit ti azo so kue sango ni andu ala.

6. A yeke mû ambeni nzoni précaution ti kanga lege si a kangbi kirikiri pëpe asango so mo mû. A yeke bata asango kue so mo mû na ndö ti a-ordinateur so a zia mot de passe na ndö ni; gï azo so amû lege na ala na so ayeke na mot de passe ni la si apeut ti wara accès na asango ni. Tongana kua ahunzi awe, a yeke kanga yanga ti abureau ni na clé, na gï zo so a mû lege na lo ti linda na yâ ti abureau ni la si apeut ti zi ni ti li.

7. Andokua ti e ayeke tokua pëpe asango so mbeni zo amû na popo ti ala. A yeke tokua ni gï tongana asango ni so la apeut ti mû lege na bungbi ni ti sara ambeni ye so andu tënë ti Nzapa wala ti mungo maboko na azo. A-Témoin ti Jéhovah kue ayeda na tënë so na lege so ala mû desizion ala wani ti ga Témoin ti Jéhovah nga ti tene azo ahinga ala tongaso.

A yeke andia so la amû lege ti fa aye nde nde so andu tënë ti sarango kua na asango na ndö ti zo, so a wara ni na yâ ti buku Bungbi so a leke ni ti sara ye so Jéhovah aye so a mû na Témoin ti Jéhovah oko oko kue na ngoi so lo ga mbeni wafango tënë. Ti hinga asango mingi na ndö ni, bâ buku Bungbi so a leke ni ti sara ye so Jéhovah aye.

Zo oko oko ayeke na droit ti tene a bata asango so lo mû, ti tene lo changé aye na yâ ni wala ti supprimé asango ni tongana ti so a fa ni na yâ ti mbage so atene “Arègle so abâ dunia kue na ndö ti sarango kua na asango so zo amû”, na gbe ti li ti tënë “Adroit ti mo”

Arègle so a fa na nduzu ge so afa akpengba ndia so aTémoin ti Jéhovah ayeke sara ye alingbi na ni na yâ ti dunia kue na ndö ti tënë ti bango lege ti asango so zo amû.