28 OCTOBRE 2022
ASANGO TI NDO KUE
Wungo ti aTémoin ti Jéhovah so ayeke fadeso na da ti kanga na Russie nga na Crimée ahon 100
Ti si na lango 26 ti octobre 2022, aita-koli 106 nga na aita-wali 4 ayeke fadeso na da ti kanga wala asara kanga provisoire ndali ti tënë ti mabe ti ala na Russie nga na Crimée. Na ngoi so a kanga Ita Dmitriy Dolzhikov, so ayeke na ngu 44, la wungo ti awakua ti Jéhovah so a kanga ala asi 100. A arrêté Dmitriy lani na 8 septembre 2022. A tene so lo mû mbage na akua ti mbeni bungbi so apusu azo ti ke yanga ti gouvernement ndali ti so lo gue lani na abungbi nga lo fa tënë ti mabe ti lo na azo. Depuis na 2017 so a kanga lege na kua ti e, a kanga aTémoin ti Jéhovah nduru na 350.
Azo ti lapolice a-arrêté Dmitriy na peko ti so a fouillé yâ ti da ti lo na gbata ti Chelyabinsk. Lango use na pekoni, a tokua lo ti sara kanga provisoire na gbata ti Novosibirsk, a sara akilomètre 1500 tongaso na ndo so lo lango dä.
A kanga Dmitriy nga na ambeni zo 12 na yâ ti cellule ni. A mû lege ape na wali ti Dmitriy, Marina, ti sara vizite na lo, me ala peut ti sara tënë na mba na lege ti alettre.
Marina atene: “Na temps so a arrêté lani lo pan, mbi lango nzoni ape nga mingi ni mbi yeke zingo na bï. Akamarade ti mbi ti congrégation a-invité mbi ti ngbâ na ndo ti ala, so ala soutenir mbi a-aidé mbi mingi.”
Marina atene so Dmitriy ayeke calme nga lo yeke na nzoni bango ndo. Marina akiri atene: “Jéhovah ayeke bâ lege ti lo.”
Marina na Dmitriy Dolzhikov
Ti gue oko na Code pénal ti Fédération ti Russie, a tene so aita ti e ti koli na ti wali ayeke apusu azo ti ke yanga ti gouvernement. Tënë so andu nga Anna Safronova, so ayeke na ngu 57, so ayeke sara kanga ti ngu omene. Kanga so a dë na li ti lo ayo mingi ahon ti so a yeke dë ka na li ti mbeni ita-wali.
Arrêtengo Dmitriy ayeke mbeni ye ti kamene so Russie asara contre aTémoin ti Jéhovah, so ahon ngu oku awe la lo ngbâ ti sara ye ni so atâa so abungbi so ayeke na yâ ti dunia kue ake fani mingi sarango ye ti ngangu so. Na temps so Kota da-ngbanga ti Russie afâ ngbanga na ndö ti aTémoin ti Jéhovah na 2017, akota zo ti kodro ti Russie atene lani so ala yeke zi iri ti association ti aTémoin ti Jéhovah na popo ti abungbi so ndia ti kodro ni ayeda na ni nga a yeke kanga lege na vorongo ti ala ape. Me, tënë ni so ayeke tâ tënë ape. Juska laso, a sara plainte 308 contre aTémoin ti Jéhovah nduru na 700. Na ndö ni, a fouillé yâ ti da ti aTémoin ti Jéhovah 1 851.
E yeke sambela ndali ti Dmitriy nga na aita ti e ti koli na ti wali kue so a sara ye ti ngangu na ala ndali ti mabe ti ala. E hinga so Jéhovah ayeke ngbâ ande ti mû na ala ngangu so ala yeke na bezoin ni ti gbu ngangu.—Matthieu 24:13.