Na lango 3 ti mars 2018, aTémoin ti Jéhovah akomanse lani mbeni kota kapa ti kangbingo ambeti ti tisango ndo na bungbi so a iri ni Kobe ti Seigneur so a hinga nga ni na iri ti Dango bê na kuâ ti Christ. A-Témoin ti Jéhovah na yâ ti akodro 240 ayeke sara ande mbeni bungbi ndali ni na lango 31 ti mars; ala bâ bungbi ni so tongana bungbi so ayeke kota ahon atanga ni kue na yâ ti ngu ni so. Mbeti ti tisango ndo ni so azi nga lege na azo kue ti ga na mbeni kota fango tënë ti Nzapa so mama-tënë ni ayeke: “Jésus Christ ayeke biani zo wa?” A yeke sara ande ni na yâ ti yenga ti lango 19 ti mars.

David A. Semonian, so ayeke sara tënë na iri ti aTémoin ti Jéhovah, atene: “Na ngu 2017 azo ahon million 20 la aga lani na bungbi ti Dango bê na kuâ ti Christ. Na popo ti ala a yeke wara azo million 12 tongaso so ayeke aTémoin ti Jéhovah ape. Tongaso, bungbi ti Dango bê na kuâ ti Christ ayeke mbeni bungbi so ayeke kota mingi na lê ti aTémoin ti Jéhovah me nga na lê ti agene ti e million mingi na ndö ti sese kue. Ye so e ye ayeke ti tene avoizin ti e kue awara ti ala mbeni mbeti ti tisango ndo ti place ti bungbi ni so ala bâ so ayeke nzoni na ala ti gue dä.”

Numéro ti téléphone ti ita so abâ tënë ti sango:

Na ndö ti dunia kue: David A. Semonian, lo sara kua na ndokua ti asango, +1-845-524-3000