Na lango 5 ti septembre 2022, da-ngbanga ti gbata ti Vologda adë ngbanga ti kanga na li ti aita Yuriy Baranov nga na Nikolay Stepanov. A dë ngbanga ti kanga ti gigi ti ngu osio na li ti Yuriy. Ti ndembe so, a yeke bi lo na da ti kanga ape. A dë ngbanga ti kanga ti ngu osio na li ti Nikolay. Hio, a sara ye alingbi na ngbanga so a dë so.

1. 19 décembre 2019

   Aturugu alï na ngangu na yanga-da ti asewa omene ti aTémoin ti Jéhovah na Vologda. A arrêté Yuriy na Nikolay nga a zia ala na kanga provisoire.

2. 20 décembre 2019

   A zi Yuriy na a kanga lo na da ti lo wani.

3. 23 décembre 2019

   A tokua Nikolay ti sara kanga provisoire.

4. 16 mars 2020

   A zi Yuriy na gbe ti kanga so lo sara na da ti lo wani, me a ke na lo ti sara ambeni ye. A hunda na lo ti limité lisoro so lo yeke sara na azo so a accusé ala na lo na yâ ti même tënë ni na ti tene lo limité sarango kua na téléphone nga na Internet.

5. 19 mai 2020

   A zi lege na Yuriy ti sara aye kue so a ke lani na lo ti sara.

6. 13 août 2020

   A zi Nikolay na kanga provisoire ni ti tene lo sara kanga na da ti lo wani.

7. 25 septembre 2020

   A zi Nikolay na gbe ti kanga so lo sara na da ti lo wani.

8. 7 mars 2022

   A komanse tenengo ngbanga ni.

Ye so akpengba mabe ti e ti bâ aita ti e so angbâ be-ta-zo atâa sarango ye ti ngangu.—1 aThessalonicien 3:7.