Na bï ti mardi lango 6 ti février, sese ayengi ngangu nduru na mbage ti est ti Taïwan. Asango so a mû ni na radio, télé nga na yâ ti ambeti-sango afa so azo 6 la akui nga azo so awara akä ahon 250 tongaso. Nga azo 76 agrisa na ade a wara ala ape.

Mbeni proclamateur oko akui ape wala awara ka ape. Na yâ ti gbata ti Hualien, sese ayengi dä mingi na abuba aye mingi. Na popo ti aye so abuba a yeke wara mbeni kota batiment so Da ti Royaume nga na mbeni ngbene bureau ti traduction ti yanga ti Amis ayeke dä. Nga, da so si ambeni membre ti équipe ti traduction ni ayeke lango dä abuba ngangu, ye so asara si ala quitté ndo ni. Aita ti ndo ni aleke hio ti tene a wara mbeni ndo ti lango ndali ti aita ni so. Ndokua ti aTémoin ti Jéhovah ti Taïwan aleke ti mû na aita ni aye so ala yeke na bezoin ni.

E sambela ti tene aita-koli na aita-wali so ye ti ngangu ni asi na ala so awara siriri ti bê na yâ ti angangu kpale so, nga ti tene aita-koli so ayeke gi ti mû maboko na ala aga “tongana ndo ti honde terê dä ndali ti pupu.”—Ésaïe 32:2.

Anuméro ti téléphone ti aita so abâ tënë ti sango:

Na ndö ti dunia kue: David A. Semonian, lo sara kua na ndokua ti asango, +1-845-524-3000

Na Taïwan: Chen Yongdian, +886-3-477-7999