Rachel so ayeke na République dominicaine atene: “A dü mbi na yâ ti mbeni sewa so avoro lani Jéhovah. Mawa ni ayeke so, na ngoi so mbi yeke na ngu mbasambala, babâ ti mbi ague na bungbi encore ape nga lo ke tâ tënë bê oko. Lo sara si ayeke ngangu mingi na mbi ti sara na Jéhovah. Na tapande, lo yeke gi ti sara si mbi zia ti sara na Jéhovah na lege so lo yeke tene na mbi so lo yeke mû na mbi mbeni téléphone, lo yeke gue na mbi na parc ti Disneyland, wala même ti mû na mbi mbeni carte ti crédit. Parfois, lo yeke pika même mbi tongaso si mbi zia ti sara na Jéhovah. Lo yeke tene so tongana mbi peut ti sara tënë ape wala ti tambela ape, mbi yeke gue na abungbi ape. Me kue gbä. Mbi leke na bê ti mbi ti gue na abungbi lakue.

 “Babâ ayeke sara kue ti pika mbi ape tongana mama ayeke dä. Lo tene na mbi so tongana mbi sara tënë ni na mama, lo yeke sara sioni na mbi. Lo yeke tene na mama so akä so mbi wara ayeke ndali ti cours ti karaté so mbi yeke sara.

 “Mbi yeke lani kete mingi nga mbeto ti babâ ti mbi asara mbi mingi ti sara tënë ti ye so ayeke passé lani na mama. Tongaso, mbi yeke sara tënë ni na Jéhovah. Mbi yeke tambela ayo na yâ ti mbeni gbako so ayeke na peko ti da ti e na Maryland, na États-Unis. Na yâ ti gbako ni, mbeni pendere keke ti chêne ayeke dä so mbi yeke monté ni, na kâ mbi yeke sambela Jéhovah. Mbi yeke fa na lo apensé ti mbi nga na aye so mbi yeke sara ande ndali ti lo tongana mbi kono, tongana lo aidé mbi ti ngbâ na fini juska mbi kono. Mbi fa nga na lo aye so mbi yeke sara na yâ ti fini dunia, sewa so mbi yeke wara ni ande, siriri nga na ngia so mbi yeke duti na ni sân ti sara mbeto ti ye ti sioni.

 “Lakue, tongana babâ ti mbi ayeke gi ti handa mbi wala lo yeke pika mbi tongaso si mbi zia ti sara na Jéhovah, mbi bâ comment Jéhovah adë bê ti mbi nga lo kpengba mbi. Nzapa a-aidé mbi lani ti ngbâ be-ta-zo na lo nga lo mû ngangu na mbi.

 “Mbi wara lani batême na ngoi so mbi yeke na ngu bale-oko, nga ngu use na pekoni, mbi komanse kua ti pionnier. Na début ni, babâ ti mbi ahinga tënë ni ape. Me na ngoi so lo ga ti hinga tënë ni, lo pika mbi na mâchoire ti mbi aba.

 “Ambeni zo atene na mbi ti mû kua ti pionnier ape ndali ti so mbi ngbâ lani jeune mingi, nga ala gi bê ti ala so mbi hinga ape so kua ni ayeke kota mingi. Tongana ngoi ayeke hon, mbi bâ so mingi ti amaseka so ayeke na ndo so mbi yeke dä asara aye mingi ape ndali ti Jéhovah. Ala yeke gue na afête nga ala yeke sara gï ngia. Mbi ye lani mingi ti sara ye tongana ala. A yeke lani ngangu ti zi ni na yâ ti li ti mbi. Mbi yeke hunda terê ti mbi, mbi tene: ‘Ngbanga ti nyen la mbi zia lege ti fango tënë ni ape si mbi sara ngia tongana ti amba ti mbi? Me lakue tongana pensé ni so aga na li ti mbi, mbi yeke fa ni na Jéhovah na yâ ti sambela.

 “Na ngoi so mbi yeke na ngu 15, mbeni ndokua ti amannequin so azo ahinga ni mingi acontacté mbi. Ala tene na mbi so ala yeke payé mbi na gbâ ti nginza ti tene mbi sara kua na ala na Milan, so ayeke na Italie. Anzere na mbi lani mingi ti mä so mbi peut ti ga mbeni mannequin, a yeke zia foto ti mbi na yâ ti ambeti nga mbi yeke yü abongo so ayeke cher ti tene mbi défilé na ni. Mbi sara kua ti pionnier permanent presque ngu ota, na mbi pensé lani mbi tene: ‘Kua ni apeut ti sara si mbi wara nginza nga amû maboko na mbi ti ngbâ ti sara kua ti pionnier aninga.’ Babâ ti mbi aquitté e lani awe, tongaso mbi pensé so mbi peut ande ti bâ lege ti mama ti mbi nzoni na lege ti nginza so mbi yeke wara.

 “Mbi sambela ndali ti tënë ni. Mbi sara tënë ni na mama ti mbi so asara kua ti pionnier teti angu mingi, nga mbi sara tënë ni na mbeni ancien so azo aye lo nga ane lo. Tongana ti so mbi yeke sara ka, mbi gue mbi monté keke so mbi yeke sambela ka dä na mbi kiri mbi sambela. Jéhovah akiri tënë lani na asambela ti mbi na lege ti mbeni versê ti Bible so ancien ni afa ni na mbi. A yeke Zo-ti-fa-tene 5:4, so atene: ‘Lakue tongana mo mû zendo na Nzapa, sara ye alingbi na ni. Ye so mo mû zendo ti sara, sara ni.’ Mbi mû zendo ti sara na Jéhovah na bê ti mbi kue, nga mbi bâ so kua so mbi ye ti sara so apeut ti buba songo ti mbi na Jéhovah. Tongaso, mbi décidé lani ti ke kua ni.

 “Bon, Jéhovah abata mbi, mbi kono awe! Fadeso, mbi, koli ti mbi, Jaser nga na molenge ti e ti koli, Connor, so ayeke na ngu ngumbaya, e kue e yeke na ngia. Jaser ayeke ancien, nga Connor ayeke wafango tënë so ade ti wara batême ape. Mbi sara kua ti ngoi kue asara presque ngu 27 awe.

 “Lakue mbi yeke rappelé na atënë so mbi tene lani na Jéhovah na yâ ti keke ti chêne so ayeke na yâ ti gbako so ayeke na peko ti da ti e. Mbi voro yanga na lo ti aidé mbi, na lo sara ni na mbeni lege so ahon gbungo li ti zo. Lo kpengba mbi, lo dë bê ti mbi nga lo fa lege na mbi. Na yâ ti gigi ti mbi kue, Jéhovah afa na mbi na alege mingi so lo yeke mbeni nzoni babâ. Mbi yeke na ngia so mbi soro ti sara na lo na bê ti mbi kue. So ayeke mbeni nzoni desizion so mbi mû na lege ti ndara.”