A dü mbi na San Juan Chancalaito, mbeni kete gbata ti kodro ti Chiapas (Mexique). Mbi yeke ti mara ti Maya, mbilimbili ti kete mara ti Chol. Babâ na mama ti e adü e bale-oko na use, na mbi yeke oku molenge ni. Na ngoi so mbi de lani kete, aTémoin ti Jéhovah ayeke manda lani Bible na mbi na aita ti mbi. Mawa ni ayeke so, na ngoi so mbi yeke kono mbi sara ye alingbi na awango ti Bible ape.

 Na ngoi so mbi yeke na ngu 13, mbi yeke nyon mbangi nga mbi yeke nzi. A yeke na temps ni so la si mbi quitté yanga-da na mbi yeke lango gï na ando kirikiri. Na ngoi so mbi yeke na ngu 16, mbi komanse ti sara kua na yâ ti yaka ti mbangi. Na ngoi so mbi sara ngu oko tongaso na ndö ni so, na mbeni bï, na ngoi so e ngbâ ti yô gbâ ti mbangi ti zia ni na yâ ti mbeni bateau, mbeni groupe ti azo so ayeke na ngombe a-attaqué e. A yeke mbeni groupe ti azo ti kango mbangi so e na ala e ye ka terê ape. Mbi sigi na yâ ni na lege so mbi huru mbi tï na ngu, mbi nagé ngbii mbi sigi ayo. Na peko ti ye ni so, mbi kpe mbi gue na États-Unis.

 Na États-Unis, mbi ngbâ lakue ti kä mbangi, na mbi kiri mbi wara gbâ ti akpale. Na ngoi so mbi yeke na ngu 19, a gbu mbi a bi mbi na kanga ndali ti nzi nga ndali ti so angbâ kete mbi fâ zo. Na da ti kanga, mbi lï yâ ti mbeni groupe ti abandit, na mbi kiri mbi sara encore ambeni sioni ye. Ye so asara si a mû yanga ti tene a mû mbi na da ti kanga ni so a tokua mbi na da ti kanga ti Lewisburg (Pennsylvania) so zo kirikiri la ayeke lï dä ape.

 Na yâ ti da ti kanga ti Lewisburg ni, sarango ye ti mbi akiri aga sioni mingi. Teti so mbi na yeke na tatouage ti mbeni groupe ti abandit na terê ti mbi awe, a yeke lani ngangu na mbi ape ti lï na yâ ti mbeni groupe ni so ayeke na yâ ti da ti kanga ni. Mbi kiri mbi ga sioni mingi, mbi manke ti tiri ape. Mbeni lâ, na yâ ti lacour ti da ti kanga ni, mbi kue mbi yoro terê ti mbi na yâ ti mbeni tiri so apassé na popo ti groupe ti abandit use. E tiri lani mbeni sioni tiri. E mû lani aye tongana akeke ti pikango na ballon ti maboko nga na awen so zo ayeke yô ti sara si gaba ti lo asigi, e tiri na ni. Azo ti batango da ti kanga ni apika gaz lacrymogène ti tene ala kaï tiri ni. Na peko ti ye ni so, akota zo ti da ti kanga ni azia mbi na yâ ti mbeni da ti kanga ni so a leke ni gï ndali ti asioni zo ti kanga. Mbi tardé lani na ngonzo ape nga mbi yeke na sioni yanga. Mbi ninga ti pika azo ape. Ti tâ tënë ni, a nzere lani na mbi ti sara aye ni so. Conscience ti mbi adérangé nga lani mbi ape.

 So a zia mbi lani na yâ ti da ti kanga ni so a leke ni ndali ti asioni zo ti kanga so, nga ndali ti so mbi yeke na yâ ti da ti kanga presque na yâ ti lango ni kue, mbi komanse ti diko Bible ti passé na temps. Ambeni ngoi na pekoni, mbeni zo ti batango da ti kanga ni amû na mbi livre Mo lingbi ti douti la koue la koue na paradis na ndo sesse. a Na ngoi so mbi yeke diko livre ni so, mbi rappelé na gbâ ti aye so mbi manda lani na ngoi so mbi de kete si aTémoin ti Jéhovah ayeke ga ti manda Bible na mbi. Na pekoni, tongana mbi gbu li ti mbi, mbi bâ so ndali ti so mbi ye sarango ye ti ngangu na zo mingi, gigi ti mbi abuba tâ sioni mingi. Mbi pensé nga lani na afami ti mbi. So aita ti mbi ti wali use aga lani Témoin ti Jéhovah, mbi tene: “Ala yeke wara ti ala ande fini ti lakue lakue.” Na pekoni, mbi hunda terê ti mbi: ‘Ngbanga ti nyen la mbi kue mbi peut ape?’ A yeke na ngoi ni so la mbi mû desizion ti changé.

 Me, mbi hinga lani so mbi bezoin ti tene a mû maboko na mbi tongaso si mbi changé. Tongaso, mbi sambela Jéhovah na mbi toto na lo ti aidé mbi. Na pekoni, mbi tokua mbeti na ndokua ti aTémoin ti Jéhovah ti États-Unis ti hunda na ala ti tene a ga a manda Bible na mbi. Ndokua ni aleke ti tene aTémoin ti Jéhovah ti congrégation so ayeke nduru na mbi awara terê na mbi. Na temps ni so lani, gï azo ti sewa ti mbi la apeut ti ga ti bâ mbi na da ti kanga awe. Mbeni Témoin akomanse ti tokua na mbi alettre ti encouragé mbi nga lo tokua na mbi ambeti ti Nzapa; ye so akiri a-encouragé mbi ti changé.

 Kota changement so mbi sara lani ayeke na ngoi so mbi mû desizion ti sigi na yâ ti groupe ti abandit so mbi yeke na yâ ni teti angu mingi so. Comme chef ti groupe ti e ni ayeke nga na yâ ti oko ndo so a kanga mbi dä, mbi gue mbi bâ lo na mbi tene na lo so mbi ye ti ga Témoin ti Jéhovah. Lo tene mbeni tënë so mbi ku terê ti mbi na ni ape, lo tene: “Tongana vrai tënë la mo tene so, nzoni mä. Mbi peut ti luti na Nzapa ape! Me tongana mo tene tënë ni so gï ngbanga ti so mo ye ti sigi na yâ ti groupe ni, mo hinga ye so ayeke wara ande mo-aa!”

 Angu use so aga na pekoni, azo ti bango ndo na ndö ti da ti kanga ni abâ so mbi changé. Ye ti pekoni ayeke so ala bâ mbi na nzoni lê. Na tapande, azo ti batango da ti kanga ni akanga mbi na menotte ape na temps so ala yeke gue na mbi ti tene mbi sukula ngu. Mbeni oko na milieu ti ala a-encouragé même mbi ti continué ti sara effort so mbi yeke sara ti changé so. Na ngoi so mbi yeke sara tanga ti ngu ti kanga ti mbi, akota zo ti da ti kanga ni azia mbi na yâ ti mbeni senge da ti kanga. Na ngu 2004, na peko ti so mbi sara kanga ngu bale-oko, a zi mbi na kanga na a zia mbi na yâ ti mbeni bus ti da ti kanga ni ti tene a kiri na mbi na Mexique.

 Gi kete na peko ti so mbi si na Mexique, mbi gi ti hinga mbeni ndo so Da ti Royaume ti aTémoin ti Jéhovah ayeke dä. Na ngoi so mbi gue na bungbi pan, mbi yü bongo ti azo ti kanga, gï nzoni bongo so mbi yeke na ni lani la. Atâa so mbi yü bongo tongaso, aTémoin ti Jéhovah ni ayamba mbi nzoni. So mbi bâ ala sara ye na nzoni bê na mbage ti mbi so, mbi bâ so mbi yeke na popo ti avrai Chrétien la (Jean 13:35). Gï na pekoni, a-ancien ti congrégation ni asara tout ti tene mbeni zo aga amanda Bible na mbi. Mbi wara batême ngu oko na peko ni, na lango 3 ti nze ti septembre ngu 2005.

 Na janvier 2007, mbi komanse ti fa tënë ti Nzapa na azo teti al’heure 70 nze nze. Na ngu 2011, mbi gue na Ekole ti aita-koli so ayeke akumbamba (so fadeso a iri ni Ekole ti awafango nzoni tënë ti Royaume). Ekole so a-aidé mbi mingi na yâ ti akua so mbi yeke sara na yâ ti congrégation so mbi yeke dä.

 Na ngu 2013, mbi sara mariage na Pilar, wali ti mbi so mbi ye lo mingi. Lo tene tënë ti ngia na mbi lo tene, a yeke ngangu na ni ti yeda na atënë so mbi tene na ni na ndö ti aye so mbi sara ândö. Mbi kiri lâ oko na yâ ti ngbene vie ti mbi ni so ape. Mbi na wali ti mbi e bâ so ye so asi na mbi so ayeke mbeni preuve so afa so Bible ayeke na ngangu ti changé fini ti azo.​—aRomain 12:2.

 Mbi bâ so atënë ti Jésus so ayeke na Luc 19:10 alingbi tâ gï na mbi. Jésus atene: “[Mbi ga] ti gi na ti sö azo so agirisa awe.” Mbi yeke sara encore ye kirikiri ape. Mbi yeke tiri encore na azo ape. Grâce na Bible, gigi ti mbi ayeke na sens, mbi yeke na siriri na amba ti mbi, na kota ye ni ayeke so mbi yeke na nzoni songo na Jéhovah, Zo so acréé mbi.