“Tongana mo ye ti hinga ye vraiment na ndö ti Nzapa, ngbâ ti manda Bible na aTémoin ti Jéhovah.” Tongana mbi mä tënë ni so, mbi étonné. Na temps ni so, mbi komanse ti manda Bible na aTémoin ti Jéhovah ade aninga mingi ape. Me ti tene ala hinga ngbanga ti nyen la lani tënë ni so a étonné mbi, zia mbi fa na ala aye so asi na yâ ti fini ti mbi.

 A dü mbi na Quezaltepeque, mbeni gbata ti kodro ti Salvador. A dü e 15, na mbi yeke omene molenge ni. Babâ na mama ti e asara kue ti fa na e so a lingbi e sara ye na lege ni nga e kpe ndia ti kodro. Na ndö ni Leonardo, so ayeke mbeni Témoin ti Jéhovah, nga na ambeni mba ti lo ayeke ga ka ngoi na ngoi na yanga-da ti e ti fa tënë ti Nzapa na e. Me mbi sara sanka ti aye so a fa na mbi, na mbi komanse ti sara gï ye ti sioni ti gue na ni. Na temps so mbi yeke na ngu 14, mbi na amba ti mbi ti ekole, e komanse ti nyon sämba nga na mbangi. Yeke yeke, akamarade ti mbi ni oko oko kue adö ekole azia, nga ala lï na yâ ti mbeni groupe ti abandit, na mbi kue mbi mû peko ti ala. E yeke fono gï na ndö ti lege ti iri nginza nga ti nzi ye, si e wara pata ti vo na sämba nga na mbangi ti nyon.

 Groupe ti abandit ni aga tâ gï tongana sewa ti mbi. Ti mbi, mbi bâ so mbi doit lani ti duti be-ta-zo na groupe ni. Na tapande mbeni lâ, mbeni mba ti e ti yâ ti groupe ni, so anyon mbangi ngbii agbu lo vrai, a-attaqué mbeni voizin ti mbi. Na temps so ala yeke gbugburu terê, voizin ni awara lege ti maitrisé lo na lo iri lapolice. Ngonzo agbu mbi sioni, mbi ngbâ mbi mû mbeni keke mbi pika yâ ti oto ti lo, tongaso si lo zia mba ti mbi ni. Voizin ni avoro yanga na mbi ti arrêté, me sanka ti mbi. Mbi fâ yâ ti avitre ti oto ni kue kue kue, mbi buba oto ni.

 Na temps so mbi yeke na ngu 18, e na azo ti lapolice e tiri. Tongaso, mbi mû mbeni bombe so e wani la e leke ni, na mbi ye ti bi ni na ndö ti ala; me bombe ni asungba na maboko ti mbi. Mbi hinga nga comment a sungba ape. Ye so mbi rappelé ayeke so mbi bâ tongana nyen la maboko ti mbi ti koli afâ kete kete, na pekoni mbi évanouir. Na temps so mbi zingo na hôpital, mbi bâ so maboko ti mbi ti koli ayeke dä ape, mbi yeke mä ndö na mê ti mbi ti droite ape, nga lê ti mbi ti mbage ti koli abuba presque kue.

 Atâa aye ti sioni so asi na mbi, na temps so mbi sigi na hôpital, mbi kiri na yâ ti groupe ti abandit ni. Me hio na pekoni, azo ti lapolice agbu mbi, na a bi mbi na kanga. Na da ti kanga ni, songo ti mbi na azo ti groupe ti abandit ni akiri akpengba. A komanse na ndapre, na ngoi so e yeke nyon kawa nga na mbangi, juska na lakui na ngoi so e gue ti lango, e yeke sara ye kue place oko.

 Na temps so mbi yeke na da ti kanga, Leonardo aga ti bâ mbi. Na ngoi so mbi na lo e ngbâ ti sara lisoro, lo fa na mbi mbeni tatouage so ayeke na terê ti mbi. Lo hunda mbi lo tene: “Eskê mo hinga nda ti aye ota so ayeke na ndö ti tatouage ni so?” Mbi tene: “Mbi hinga ape ni tongana nyen, a ye ti tene wali, mbangi, nga na mozoko ti rock and roll.” Me lo tene: “Mbi pensé nda ni aye ti tene hôpital, da ti kanga, na kuâ. A gue na mo déjà na hôpital awe, na fadeso mo yeke na da ti kanga. Mo hinga ye so ayeke ku mo na pekoni-aa!”

 Tënë so Leonardo atene so a-étonné mbi. Lo yeke na raison. Asioni ye so mbi yeke sara lani akpa mo bâ mo tene mbi ngbâ ti zi dû ti kuâ ti mbi wani. Leonardo ahunda ti manda Bible na mbi, na mbi yeda. Aye so mbi manda na yâ ti Bible apusu mbi ti changé. Na tapande, Bible atene so “ti sara songo na asioni zo ayeke buba anzoni sarango ye ti zo.” (1 aCorinthien 15:33). Tongaso, mbeni oko ti aye so mbi doit ti sara ni lani ayeke ti wara afini kamarade. A gue ngbii, mbi zia lege ti gue na abungbi so azo ti groupe ti e ti abandit ni ayeke sara, na mbi komanse ti gue na bungbi ti aTémoin ti Jéhovah so ayeke sara na yâ ti da ti kanga ni. Na ngoi ti bungbi ti aTémoin ti Jéhovah ni, mbi wara terê na mbeni mba ti mbi zo ti kanga ni so iri ti lo ayeke Andrés. Lo wara batême lo ga Témoin ti Jéhovah na yâ ti da ti kanga ni. Lo hunda na mbi ti tene mbi na lo la fadeso e nyon kawa. Ti londo na ngoi ni so ti gue na ni, mbi zia lege ti nyongo mbangi na yanga ti ndapre. Mbi na Andrés e yeke diko mbeni versê ti Bible lakue na ayanga ti ndapre.

 Azo ti yâ ti groupe ti abandit ni abâ hio so mbi changé. Mbeni lâ, mbeni oko ti achef ni atene so lo ye ti causé na mbi. Mbeto ahon ndö ti mbi. Mbi hinga ye so lo peut lani ti sara na mbi ape tongana lo hinga ye so mbi pensé ti sara. A yeke ka ngangu ti tene zo asigi na yâ ti mbeni groupe ti abandit. Lo tene: “E bâ so mo yeke ga encore na abungbi so e sara ape, me mo yeke gue na bungbi ti aTémoin ti Jéhovah. Nyen la mo ye ti sara?” Mbi tene na lo so mbi ye ti ngbâ ti manda Bible nga mbi ye ti changé fini ti mbi. Tâ li ti mbi akpe kue na ngoi so lo tene na mbi so azo ti groupe ti abandit ni ayeke sara ye na mbi ape, tongana mbi fa biani so mbi ye ti ga Témoin ti Jéhovah. Na pekoni lo tene: “Tongana mo ye ti hinga ye vraiment na ndö ti Nzapa, ngbâ ti manda Bible na aTémoin ti Jéhovah. E ye ti tene mo zia lege ti sarango asioni ye. E gonda mo. Mo yeke na ndö ti nzoni lege la. A-Témoin ti Jéhovah apeut vraiment ti aidé mo. Ala yeke manda lani Bible na mbi na temps so mbi yeke na États-Unis, nga ambeni fami ti mbi ayeke Témoin ti Jéhovah. Sara mbeto ape. Zia lege ni ape.” Mbeto angbâ lani ti sara mbi, me na oko ngoi ni terê ti mbi anzere sioni. Mbi tene merci na Jéhovah na yâ ti bê ti mbi. A kpa mo bâ mo tene a zi mbi na kanga. Mbi comprendre tënë ti Jésus so lo tene lani lo tene: “Ala yeke hinga ande tâ tënë, na tâ tënë ayeke zi ala.”​—Jean 8:​32.

 Ambeni ngbene kamarade ti mbi ti groupe ti abandit ni atara ti mû na mbi mbangi. Ti vrai ni, na ambeni temps mbi yeda. Me tongana ngoi ayeke hon, grâce na asambela so mbi tene ni na Nzapa mingi na bê ti mbi kue, mbi wara lege ti zia lege ti asioni ye ni so.​—Psaume 51:10, 11.

 Na peko ti so mbi sigi na da ti kanga, gbâ ti azo apensé so mbi yeke kiri na yâ ti sioni vie ti mbi ti ândö; me a yeke ye so mbi sara la ape. Fani mingi mbi gue na da ti kanga, me ti so ni so a yeke nde: mbi gue ti fa tënë ti Nzapa na azo. Angbene mba ti mbi ti groupe ti abandit ni abâ vraiment so mbi changé. Me mawa ni ayeke so, angbene wato ti mbi abâ ni tongaso ape.

 Mbeni lâ, mbi na mbeni ita e sigi na fango tënë. Mo ye ti bâ, mbeni groupe ti abandit so e na ala e ye terê kozo ape nga so ayeke na ngombe aga angoro e, ala ye ti fâ mbi. Ita ni so mbi na lo e sigi na fango tënë so amû courage ti lo na lo tene na ala yeke so mbi yeke encore na yâ ti mbeni groupe ti abandit ape. Na temps so lo ngbâ ti sara tënë na ala, mbi sara effort ti calmé terê ti mbi. Na peko ti so ala pika mbi nga ala tene na mbi ti kiri na yâ ti quartier ni so encore ape, ala descend ngombe ti ala, na ala zia e hon. Tâ Bible achangé vraiment fini ti mbi! Na temps ti kozo la so, ânda mbi sara kue ti payé bon ni na ala awe. Me fadeso, mbi sara ye alingbi na wango ti Bible so ayeke na 1 aThessalonicien 5:​15, so atene: “Ala bâ si mbeni zo akiri sioni ndali ti sioni na mba ti lo pëpe, me lakue ala tomba peko ti ye so ayeke nzoni ndali ti amba ti ala nga ndali ti azo kue.”

 Depuis so mbi ga Témoin ti Jéhovah, mbi sara effort ti sara ye na lege ni na yâ ti aye kue. A yeke facile ape. Me, grâce na mungo maboko ti Jéhovah Nzapa, ti awango ti Bible, nga na ti afini kamarade ti mbi, mbi wara lege ti sara ni. Mbi ye lâ oko ape ti kiri na yâ ti sioni vie ti mbi ti ândö.​—2 Pierre 2:22.

 Mbi yeke zo so ayeke sara ye ti ngangu na azo kozo, nga zo ti ngonzo. Mbi hinga so tongana mbi ngbâ lani ti sara aye ni so, ândä l’heure tongaso mbi kui awe. Aye so mbi manda na yâ ti Bible achangé fini ti mbi. Mbi zia lege ti asioni ye so mbi yeke sara ni lani. Mbi manda ti duti na siriri na angbene wato ti mbi (Luc 6:​27). Nga laso, mbi yeke na akamarade so ayeke aidé mbi ti duti na anzoni sarango ye (aProverbe 13:20). Mbi yeke ngia nga mbi hinga ndani so mbi yeke na fini. Mbi yeke voro mbeni Nzapa so ayeke prêt ti yeda ti pardonné asioni ye so mbi sara lani.​—Ésaïe 1:18.

 Na ngu 2006, mbi gue na mbeni ekole so ayeke formé aChrétien so angbâ kumbamba ti fa tënë ti Nzapa na azo. Ambeni ngu na pekoni mbi sara mariage, na pekoni mbi na wali ti mbi e dü molenge ti wali. Fadeso, e yeke mû temps ti e mingi ti fa na azo amama-ndia ti Bible so achangé fini ti mbi. Mbi yeke ancien na yâ ti congrégation ti mbi, na mbi yeke sara effort ti aidé amaseka ti tene ala sara mara ti erreur ti mbi so ape. A hon ti tene mbi wani mbi zi dû ti kuâ ti mbi, fadeso mbi ngbâ ti leke gere ti mbeni gigi ti kekereke so ayeke ngbâ lakue lakue, so Nzapa amû zendo ni na yâ ti Bible.