Ên-ën, a yeke forcé mo ti ga Témoin ti Jéhovah ape. Anzere na azo million mingi ti tene e manda Bible na ala sân ti tene ala ga aTémoin ti Jéhovah. a Nda ti mandango ye ni ayeke ti fa na mo ye so Bible afa. Aye so mo hinga na ndö ti Bible la ayeke mû lege na mo ti mû desizion. E hinga so tënë ti mabe ayeke mbeni ye so abâ zo oko oko (Josué 24:15).

 En. E ye mingi ti sara kua na Mbeti ti Nzapa ti fini dunia so atënë ti yâ ni akpengba ape nga e peut ti mû na mo mbeni senge senge tongana mo ye; a yeke nzere na e tongana mo sara kua na Bible ti mo wani. Na yâ ti traduction ti Bible kue mo peut ti hinga atënë ti beku nga na ti salut.

•   Kozo ye so apusu e ayeke ndoye ti e ndali ti Jéhovah Nzapa, so aye si awakua ti lo afa na ambeni zo ye so ala manda (Matthieu 22:37, 38; 28:19, 20). E bâ so ayeke mbeni kota pasa ti tene “e na Nzapa e sara kua oko” ti aidé azo ti hinga ye so Bible afa (1 aCorinthien 3:6-9).

•   Ye so apusu e nga ayeke ndoye ti e ndali ti amba ti e (Matthieu 22:39). Anzere na e mingi ti fa na azo apendere ye so e manda (Kusala 20:35).