Ên-ën. A-Témoin ti Jéhovah ayeke contre sarango vaccin ape. E bâ sarango vaccin tongana mbeni ye so Témoin ti Jéhovah oko oko la ayeke mû desizion na ndö ni. Mingi ti e asoro ti sara vaccin.

 E yeke gi ti wara anzoni kode ti soignengo na kobela nga e bâ na nene ni mingi a-effort so a yeke sara ti réduire risque ti angangu kobela. E kiri merci ndali ti angangu kua kue so azo ti santé ayeke sara, surtout na ngoi ti aye ti ngangu.

 E aTémoin ti Jéhovah, e sara kua maboko na maboko na azo so abâ tënë ti seni. Na tapande, depuis na début ti kobela ti COVID-19 so amû ndo, e yeke sigi na a-article nga na avidéo na ayanga ti kodro ngbangbo mingi na ndö ti site ti e ti encouragé azo ti sara ye alingbi na yanga so akota zo ti kodro amû na ndö ti tënë ti batango terê. A-article nga na avidéo ni arappelé e na ndani so ayeke kota ye ti duti yongoro na mba nga ti suivre a-instruction na ndö ti tënë ti ndo so azo ayeke dä mingi, quarantaine, sukulango maboko na yungo masque, nga na ambeni ye so akota zo ti kodro afa wala ahunda.—aRomain 13:1, 2.

 Teti angu mingi, ambeti ti e agboto lê na ndö ti amama-ndia so:

•   A yeke na zo oko oko ti mû desizion na ndö ti tënë ti santé ti lo.—aGalate 6:5.

   “[Mbeti so] atene ape so mbeni yorö wala mbeni kode ti soignengo na kobela ayeke nzoni ahon mbeni nga amû wango na ndö ti soignengo kobela ape. Mbeti so afa gï aye ni polele na ndö ti tënë ni nga azia lege na zo so adiko ni ti tene lo wani lo mû desizion.”—Zingo na lango!, 8 février 1987, na Français.

   “Ti tene mo nga na amolenge ti mo asara vaccin wala pëpe, a yeke mbeni ye so mo la mo yeke décidé.”—Zingo na lango!, 8 août 1993, na Français.

•   E yeke gi ti soigné terê ti e ndali ti so e bâ fini na nene ni.—Kusala 17:28.

   “Tongana terê ti e aTémoin ti Jéhovah ason, e yeke gi ti tene adocteur asoigné e. E ye fini nga e yeke sara ye kue so e peut ti sara ti tene e ngbâ na fini aninga tongana ye ni ague nde pëpe na amama-ndia ti Bible.”—Tour ti Ba Ndo, 1 octobre 1975, na Français.

   “A-Témoin ti Jéhovah ayeda na akode ti kaïngo na kobela. Ala ye ti duti na nzoni seni nga ti ngbâ na fini aninga. Ti vrai ni, ambeni Témoin ti Jéhovah ayeke adocteur tongana ti mbeni kozo Chrétien so iri ti lo ayeke Luc. . . . A-Témoin ti Jéhovah abâ vraiment na nene ni ngangu kua so azo so abâ tënë ti santé ayeke sara. E kiri nga merci na azo so ayeke soigné e ti tene e wara sava.”—Tour ti Ba Ndo, 1 février 2011, na Français.