Gunda ti aye so e mä na bê na ni alondo lakue na yâ ti Bible, ndani la tongana e bâ so e kiri e comprendre yâ ti ambeni versê ti Bible nzoni, e yeke changé yâ ti aye so e mä na bê na ni. a

 Achangement so ague oko na mama-ndia so ayeke na aProverbe 4:​18 so atene: “Lege ti azo ti mbilimbili ayeke tongana lumière ti lâ so asigi na ndapre si asu yeke yeke juska aga kota lâ.” Gï tongana ti so lumière ti lâ ayeke su yeke yeke na aga kota lâ, Nzapa ayeke sara si yeke yeke azo amä yâ ti atâ tënë so ayeke na yâ ti Bible na tâ ngoi ni (1 Pierre 1:10-12). Tongana ti so Bible afa kozo awe, Nzapa ayeke sara si ye ni ague na li ni hio “na ngoi ti nda ni.”​—Daniel 12:4.

 Achangement so a sara na yâ ti fason so e mä na yâ ti tâ tënë adoit ti étonné e ape wala asara si li ti e aga kirikiri ape. Awakua ti Jéhovah ti ândö nga kue ayeke lani na abango ndo so ayeke na lege ni ape, na ala bezoin ti changé bango ndo ti ala.

•   Moïse amû terê ti lo wani tongana zo ti zingo azo ti Israël na yâ ti angu 40 so ahon kozo ti tene lango so Nzapa asoro alingbi.​—Kusala 7:23-25, 30, 35.

•   Abazengele acomprendre lani ape prophétie so asara tënë ti kuâ ti Messie nga na ti zingongo ti lo na kuâ.​—Kusala 7:23-25, 30, 35.

•   Ambeni kozo Chrétien acomprendre lani nzoni ape tënë ti gango ti “lâ ti Jéhovah.”​—2 aThessalonicien 2:1, 2.

 Na pekoni, Nzapa aleke bango ndo ti ala na ndö ti fason so ala mä na yâ ti tënë ni, nga e yeke sambela ti tene lo ngbâ ti sara tongaso na e laso.​—Jacques 1:5.