Nzapa so asara e alu andia na ndö ti mariage angu mingi kozoni si akodro asigi na ti ti ala. Na yâ ti kozo mbeti ti Bible a tene na e a tene: “Koli ayeke zia ande babâ na mama ti lo, lo yeke ngbâ ande na terê ti wali ti lo na ala yeke ga terê oko.” (Genèse 2:24). Mbeni bakari (Vine’s Expository Dictionary of Biblical Words) atene, tënë ti Hébreu so atene “wali” aye ti sara tënë ti “zo so ayeke mbeni wali.” Jésus akiri afa so mariage adoit ti duti na popo ti “koli na wali.”—Matthieu 19:4.

 Nzapa aleke lani ti tene mariage angbâ lakue lakue, nga aduti mbeni ye so abungbi koli na wali. A sara koli na wali ti mû maboko na mba, ye so asara si ala lingbi ti bi bê na atënë ti bê ti mba, ti bungbi koli na wali nga ti dü amolenge.