Luc, so asû mbeni mbage ti Bible, atene na ndö ti mbaï ti Jésus so lo sû lo tene: “Mbi gi nda ti aye kue mbilimbili, ngbene ye so aye ni ato nda ni.”—Luc 1:3.

 Ambeni zo atene so na popo ti ngu 300 na 400 a changé atënë ti yâ ti mbaï ti gigi ti Jésus so awara ni na yâ ti a-évangile so Matthieu, Marc, Luc na Jean asû ni lani.

 Kete na peko ti ngu 1900, a wara na Égypte mbeni kugbe-mbeti ti Évangile ti Jean, so fadeso a hinga ni na iri ti Papyrus Rylands 457 (P⁵²), na a bata ni na yâ ti bibliothèque so a iri ni John Rylands so ayeke na Manchester na kodro ti Angleterre. A yeke wara na yâ ti kugbe-mbeti ni so atënë so ayeke na Jean 18:31-33, 37, 38 so a yeke wara ni na yâ ti aBible ti laso.

 Kugbe-mbeti ni so ayeke ngbene kugbe-mbeti so aninga ahon atanga ni kue ti mbage ti Bible so a sû ni na yanga ti Grec. Mingi ti awandara atene so a sû ni nduru na ngu 125, so ti tene angu kete na peko ti so a sû tâ lo mbeti ti Jean ni. Atënë ti yâ ti kugbe-mbeti ni so akpa terê mingi na ati so a wara ni angu mingi na pekoni.