Akamarade ti mo a-invité mo na mbeni fête na weekend so. Mo hunda babâ na mama ti mo wala eskê mo peut ti gue, me ala “ke” na kuru go. Ye so a-étonné mo ape. A yeke gï même réponse so ala mû na mo ade ti ninga ape.

Na yâ ti article so e yeke bâ

•  Ngbanga ti nyen la babâ na mama ti mbi ayeke ke ka na mbi lakue ti sara ambeni ye?

•  Nyen la mbi peut ti sara ti tene babâ na mama ti mbi ayeda na mbi ti sara ambeni ye?

•  Amba ti mo atene ti ala nyen

 Ngbanga ti nyen la babâ na mama ti mbi ayeke ke ka na mbi lakue ti sara ambeni ye?

 Tongana babâ na mama ti mo ayeke ke na mo lakue ti sara ambeni ye, hio mo peut ti pensé so ala ye gï ti tene mo sara ngia ape.

 A yeke ye so mbeni maseka-wali so iri ti lo Marie apensé na ni na temps so lo wara kozo téléphone ti lo la. Lo tene: “Babâ ti mbi alu na mbi lani gbâ ti andia na ndö ti a-application so mbi doit ti téléchargé ni, azo so mbi yeke causé na ala nga ngoi oke la mbi yeke mû ti causé na ala. Me, akamarade ti mbi ayeke sara ti ala aye so bê ti ala aye.”

 Ti gbu li na ndö ni: Ti vrai ni eskê babâ ti Marie aye ti tene lo sara ngia ape? Mbeni ye nde wa la babâ ti lo ni ayeke gi bê ti lo na ndö ni?

 Tara ti sara ye so: Imaginé so mo yeke mbeni babâ wala mama ti mbeni molenge so alondo ti wara téléphone fini fini. Nyen la mo yeke gi bê ti mo na ndö ni? Andia wa la mo yeke lu na molenge ti mo ni tongaso si abata lo? Tënë ti nyen la mo yeke tene na molenge ti mo ni tongana lo tene na mo so mo ye ti tene lo sara ambeni ngia ape?

 “Babâ ti mbi ayeke tene ka lakue na mbi, atene: “Tara ti zia terê ti mo na place ti mbi, na imaginé so mo yeke mbeni babâ wala mama.’ Ti sara tongaso a-aidé mbi ti bâ so andia ni ayeke kota ye me nga ayeke ndali ti nzoni ti mbi. Tongana mbi yeke fade na amolenge mbi yeke hunda na ala ti sara gï a-oko ye so babâ ti mbi ahunda na mbi ti sara.”—Tanya.

 Nyen la mbi peut ti sara ti tene babâ na mama ti mbi ayeda na mbi ti sara ambeni ye?

 “Lakue tongana babâ na mama ti mbi alu na mbi ambeni ndia araison ti andia ni oko oko kue ayeke dä. Babâ na mama ti mbi ake na mbi ti sara ngia ape; Ala ye gï ti tene mbi sara angia so ayeke nzoni na so apeut ti ga na mbi akpale ape.”—Ivy.

 Mama-ndia ti Bible: “Zo ti buba asigi na ngonzo ti lo kue, me zo ti ndara akanga bê ti lo, lo duti kpô.”—aProverbe 29:11.

 “Kanga bê. A yeke mû ngoi ti tene babâ na mama ti mo awoko na mo yâ ti ambeni ndia so ala lu, me tongana ala bâ so mo sara ye alingbi na andia so ala lu ni awe, a yeke sara si ala yeke zia lege na mo ti sara ambeni ye nde.”—Melinda.

 Mama-ndia ti Bible: “Ala mä yanga ti ababâ na amama ti ala na yâ ti aye kue”—aColossien 3:20.

 “A yeke nzere na ababâ na amama ti bâ so amolenge ti ala apeut ti mû anzoni desizion. Tongaso, tongana mbi yeke sara tënë na babâ na mama ti mbi, mbi yeke sara kue ti tene atënë so mbi tene na ala aluti nzoni ahon ti tene mbi tene tënë ndali ti nzara ni. Tongana mbi sara tongaso, babâ na mama ti mbi ayeke zia lege na mbi ti sara ambeni ye so mbi ye.”—Joseph.

 Mama-ndia ti Bible. “Mo ne babâ na mama ti mo.”—aÉphésien 6:2.