“Nzapa, na lege ti ngangu ti lo so ayeke sara kua na yâ ti e, alingbi biani ti sara ye mingi ahon ndö ti aye kue so e hunda wala so e bi bê ti e dä. Zia a mû na lo gloire.”—aÉphésien 3:20, 21, Mbeti ti Nzapa ti fini dunia.

 “Me na Lo so alingbi sara mingi ahon ye kue so e hunda wala ye kue so e bi bê ti e dä, na lege ti ngangu so asara na yâ e.”—aÉphésien 3:20, 21, La Sainte Bible en Sango.

 Bazengele Paul afa so lo yeke na confiance so Nzapa alingbi ti kiri tënë na asambela ti awakua ti lo nga ti sara ye ahon ti so ala ku terê ti ala na ni. Lo peut ti kiri tënë na mbeni lege so ahon même gbungo li ti ala.

 “Na lege ti ngangu ti lo so ayeke sara kua na yâ ti e.” Versê 21 afa na e so tënë “lo” aye ti sara tënë ti Jéhovah Nzapa. a Ge, Paul atene: “Zia a mû na lo gloire na lege ti congrégation nga na lege ti Christ Jésus.” (Jean 20:31). Ye oko, Nzapa apeut ti mû na e ngangu so e yeke na bezoin ni ti sara ye so bê ti lo aye.—aPhilippien 4:13.

 Na versê 20, bazengele Paul afa mbeni kpengba ye na ndö ti ngangu so Jéhovah ayeke na ni ti aidé awakua ti lo. Mbeni gingo nda ti ye afa nda ti tënë “lo so ayeke,” atene: “Versê ni aye ti tene ape so Nzapa apeut ti sara mbeni ye wala peut-être lo yeke sara ni, me aye ti fa so lo yeke na ngangu ti sara ni.” E azo e ye ti aidé amba ti e, me e yeke lakue na ngangu ti sara ni ape. Ye oko, Jéhovah apeut lakue ti sara ye kue ti mû na awakua ti lo aye so ala yeke na bezoin ni nga ti kiri tënë na asambela ti ala. Gï lo oko la ayeke na ngangu nga na komandema ti sara ye kue.—Ésaïe 40:26.

 “[Nzapa] . . . alingbi biani ti sara ye mingi ahon ndö ti aye kue so e hunda wala so e bi bê ti e dä.” Jéhovah apeut ti sara ye mingi wala même ti “sara ye mingi ahon” ti so awakua ti lo aku terê ti ala na ni ti bâ lege ti ala. Lo peut ti aidé ala na ambeni lege so ahon gbungo li ti zo.

 Tënë “ahon ndö ti aye kue so e hunda wala so e bi bê ti e dä” afa na e mbeni ye nde na ndö ti versê so. So bazengele Paul atene ‘ahon ndö ti aye kue so e hunda wala so e bi bê ti e dä,’ lo ye ti tene aChrétien acomprendre so Nzapa apeut ti aidé ala na alege so ala ku terê ti ala na ni ape. La Sainte Bible en Sango akiri na peko ti kozo mbage ti versê 20 atene: “Me na Lo so alingbi sara mingi ahon ye kue so e hunda wala ye kue so e bi bê ti e dä.” Parfois, aChrétien apeut ti pensé so aproblème ti ala ayeke mingi wala ayeke ngangu ti tene ala leke ni. Peut-être ala hinga même ape aye so ala yeke sambela ndali ni. Me, Jéhovah acomprendre situation ti e nga lo yeke na ngangu ti mû maboko na e. Tongana ngoi ni alingbi, atâa akpale ti e ni ayeke so wa, lo peut ti leke ni na alege so e pensé fade na ni ape (Job 42:2; Jérémie 32:17). Ti si na ngoi ni so, lo yeke mû na e ngangu ti gbu lê ni na ngia.—Jacques 1:2, 3.

 Mbeti ti aÉphésien ayeke mbeni lettre so bazengele Paul asû lani na aChrétien so ayeke lani na gbata ti Éphèse na Asie Mineure, so ayeke laso na mbage ti kodro ti Turquie. Na yâ ti mbeni lettre so Paul asû na aChrétien ti Éphèse, lo fa atënë so lo tene na yâ ti sambela ndali ti ala (aÉphésien 3:14-21). Lo sambela ti tene ala mû tapande ti fason so Jésus ayeke pensé na ni nga na sarango ye ti lo, tongaso si ala hinga ndoye so Christ ayeke na ni. Ye so abâ nga aChrétien kue. Na hunzingo ti atënë ti sambela ti Paul, lo sepela Nzapa nga lo tene atënë so a wara na aÉphésien 3:20, 21.

 Bâ nduru vidéo ti mbeti ti aÉphésien ti bâ ambeni ye so ayeke na yâ ni.