“Me ala so azia bê ti ala ti ku Jéhovah ayeke kiri ti wara ngangu. Ala yeke huru na lê ti nduzu tongana a-aigle. Ala yeke mû loro me ala yeke fatigué pëpe; ala yeke tambela me ala yeke woko pëpe.”—Ésaïe 40:31, Mbeti ti Nzapa ti fini dunia.

 “Me azo so aku L’Éternel, fade ala kiri ala wara ngangu; fade ala ma na nduzu na kpangbi tongana angualo; fade ala kpe, me ala nze pëpe; fade ala tambela, me ngangu ti ala awe pëpe.”—Ésaïe 40:31, La Sainte Bible en Sango.

 Jéhovah a Nzapa adë bê ti awakua ti lo so lo yeke mû na ala ngangu so ala bezoin ni ti gbu ngangu na yâ ti akpale so ala peut ti tingbi na ni.

 “Ala so azia bê ti ala ti ku Jéhovah ayeke kiri ti wara ngangu.” Ala so azia bê ti ala na Jéhovah ti mû maboko na ala apeut ti duti sûr so lo yeke aidé ala (aProverbe 3:5, 6). Mbeni lege so Nzapa amû ngangu na awakua ti lo ayeke na lege ti yingo vulu.—Luc 11:13.

 “Ala yeke huru na lê ti nduzu tongana a-aigle.” Tënë so afa ngangu so Nzapa ayeke na ni ti sara ye na ndö mbeni zo. Mbeni aigle abezoin pupu so achauffé chauffengo ti mû lege na lo ti huru na lê ti nduzu. Tongana lo hinga ndo so pupu ni so ayeke dä, lo yeke zi yâ ti kpangbi ti lo na lo yeke ngoro na terê ni ngbii, na pekoni lo lï na yâ ni, si pupu ni ague na lo ayo na lê ti nduzu. Tongana aigle ni ahon na yâ ti pupu so achauffé chauffengo, lo peut ti ngbâ na yâ ti pupu ni teti al’heure mingi ti gue na mbeni ndo sân ti tene lo fatigué.

 “Ala yeke mû loro me ala yeke fatigué pëpe.” Akpale so e wara na yâ ti gigi ti e apeut ti woko e, me e peut ti gbu ngangu grâce na ngangu so Nzapa amû na e. A yeke mû na e ngangu ti sara ye so ayeke na lege ni atâa angangu kpale so e wara. Bazengele Paul so agbu ngangu na yâ ti atara, atene: “Mbi wara ngangu ti sara aye kue ndali ti lo so lo mû ngangu ni na mbi.”—aPhilippien 4:13.

 Na gbe ti yingo ti Nzapa, prophète Ésaïe asû atënë so na ngu 700 ti si na ngu 800 K.N.E. Atâa so versê so andu awakua be-ta-zo ti Nzapa kue, peut-être Jéhovah asara atënë so ti encouragé aJuif so ayeke lani angbâa na Babylone teti angu 70. Na temps so aJuif ni akiri na kodro ti ala, ala bâ gango tâ tënë ti atënë ti Nzapa so (Ésaïe 40:1-3). Nzapa amû ngangu na ala ti sara yongoro voyage b so ti londo na Babylone ti kiri na Jérusalem na ngu 537 K.N.E.—Ésaïe 40:29.