Nduru tënë ti ambeti ti Bible

Nduru tënë ti mbeti ti Genèse

Mbeti ti Genèse afa na e mbeni kpengba sango na ndö ti tongo nda ti pasi nga na kuâ.

Nduru tënë ti mbeti ti Exode

Nzapa azi azo ti Israël lani na ngbâa na Égypte nga lo sara si ala ga mara ti lo.

Nduru tënë ti mbeti ti Lévitique

Bâ tongana nyen la mbeti ti Lévitique afa dutingo nzoni-kue ti Nzapa nga ndani so a yeke kota ye mingi ti tene e duti nzoni-kue.

Nduru tënë ti mbeti ti Nombre

Bâ tongana nyen la a yeke kota ye mingi ti mä yanga ti Jéhovah na yâ ti aye kue nga ti ne azo so a soro ala ti mû li ni na ndö ti azo ti lo.

Nduru tënë ti mbeti ti Deutéronome

Bâ tongana nyen la Ndia so Jéhovah amû na azo ti Israël afa so lo ye azo ti lo mingi.

Nduru tënë ti mbeti ti Josué

Bâ tongana nyen la azo ti Israël amû kodro so Nzapa amû na ala nga ala kangbi yâ ni popo ti ala.

Nduru tënë ti mbeti ti aJuge

Iri ti akoli so asara ye na mbeto ape, so azi azo ti Nzapa na maboko ti azo so asara ye ti ngangu na ala, la ayeke na ndö mbeti ti so asara tënë na ndö ti gbâ ti aye so.

Nduru tënë ti mbeti ti Ruth

Mbeti ti Ruth asara tënë ti tâ ndoye so mbeni wali-mua so ayeke maseka afa na mbage ti mama ti koli ti lo so ayeke wali-mua nga tongana nyen la Jéhovah afuta ala.

Nduru tënë ti Kozo mbeti ti Samuel

Bâ mbaï ti Israël ti komanse na ngoi ti aJuge ti si na ngoi so agbia la akomande.

Nduru tënë ti mbeti ti Esdras

Jéhovah asara ye alingbi na zendo ti lo ti zi awakua ti lo na Babylone na ti kiri na tâ vorongo lo na Jérusalem.

Nduru tënë ti mbeti ti Néhémie

Mbeti ti Néhémie ayeke na apendere ye mingi so atâ zo so ayeke voro Nzapa alingbi ti manda ye dä laso.

Nduru tënë ti mbeti ti Esther

Aye ti ngangu so asi lani na ngoi ti Esther ayeke sara si mo yeke kiri ti zia bê ti mo kue na ngangu so Jéhovah ayeke na ni ti zi awakua ti lo na yâ ti aye ti ngangu laso.

Nduru tënë ti mbeti ti Job

Azo kue so andoye Jéhovah ayeke wara ande atara. Mbaï ti Job afa na e so e lingbi biani ti ngbâ be-ta-zo nga ti mû mbage ti droit ti Nzapa ti komande dunia kue.

Nduru tënë ti mbeti ti Psaume

Mbeti ti Psaume amû mbage ti droit ti Jéhovah ti komande dunia kue, amû maboko na azo so aye lo nga adë bê ti ala. A fa nga so dunia so ayeke changé ande na lege ti Royaume ti lo.

Nduru tënë ti mbeti ti aProverbe

Gi ti hinga awango so alondo na Nzapa na ndö ti aye nde nde so alingbi ti si na yâ ti gigi ti mo: alondo na atënë ti dengo buze ti si na atënë ti sewa.

Nduru tënë ti mbeti ti Zo-ti-fa-tene

Gbia Salomon afa aye so ayeke biani akota ye na yâ ti gigi ti zo nga lo fa kangbi so ayeke na popo ni na aye so ague nde na ndara so alondo na Nzapa.

Nduru tënë ti mbeti ti Bia ti Salomon

A sara tënë ti tâ ndoye ti maseka-wali ti Sulem na mbage ti mbeni berger so ade maseka tongana ‘tâ menga-wa ti Jéhovah.’ Ngbanga ti nyen?

Nduru tënë ti mbeti ti Ésaïe

E yeke wara na yâ ti mbeti ti Ésaïe tâ prophétie so alingbi ti sara si e duti na confiance encore mingi na Jéhovah, Lo so asara si azendo ti lo aga tâ tënë nga Nzapa ti salut ti e.

Nduru tënë ti mbeti ti Jérémie

Jérémie angbâ gï ti sara kua ti lo ti prophète atâa na yâ ti aye ti ngangu. Gbu li na ndö ti ye so tapande ti lo alingbi ti sara na ndö ti aChrétien laso.

Nduru tënë ti mbeti ti Toto ti Jérémie

Prophète Jérémie la asû mbeti ti Toto ti Jérémie; na yâ ni lo fa vundu ti bê ti lo ndali ti futingo ti Jérusalem nga lo fa so Nzapa asara nzoni bê na azo so achangé bê ti ala.

Nduru tënë ti mbeti ti Ézéchiel

Ézéchiel asara terê ti lo kete nga na mbeto pëpe lo sara akua kue so Nzapa amû na lo, atâa kua ni ayeke ngangu. Lo zia mbeni nzoni tapande na e laso.

Nduru tënë ti mbeti ti Daniel

Daniel na amba ti lo angbâ be-ta-zo na Jéhovah na yâ ti aye kue. Na lâ ti nda ni so, e lingbi ti wara ye ti nzoni na lege ti tapande ti ala nga na gango tâ tënë ti aprophétie.

Nduru tënë ti mbeti ti Osée

Laso, e yeke na aye ti manda mingi na yâ ti prophétie ti Osée na ndö ti nzoni bê ti Jéhovah na mbage ti azo ti sioni so achangé bê ti ala nga na lege so lo hunda ti tene e voro na lo.

Nduru tënë ti mbeti ti Joël

Joël atene prophétie na ndö ti gango ti “lâ ti Jéhovah” nga lo fa ye so a lingbi zo asara ti sö kuâ. Prophétie ti lo apusu zo ti sara ye hio laso.

Nduru tënë ti mbeti ti Amos

Jéhovah asara kua na senge zo so ti sara kota kua. Akota ye wa la e lingbi ti manda na lege ti tapande ti Amos?

Nduru tënë ti mbeti ti Abdias

A yeke mbeti so ayeke nduru mingi na yâ ti mbage ti mbeti ti Nzapa so a sû na Hébreu. Prophétie ni amû beku nga afa so Jéhovah la ayeke na droit ti komande dunia kue.

Prophète Jonas wani la asû mbaï ti lo so afa tongana nyen lo zia si Nzapa akiri na lo na nzoni lege, lo sara kua ti lo, lo manda kpengba ye na ndö ti tâ ndoye ti Nzapa nga na nzoni bê ti lo. Aye so asi na lo ayeke ndu bê ti mo.

Nduru tënë ti mbeti ti Michée

Prophétie so alingbi ti sara si e kiri e duti na confiance mingi so aye so Jéhovah ahunda na e ayeke nzoni nga ayeke na lege ni.

Nduru tënë ti mbeti ti Nahum

Prophétie so asara si e yeke na confiance so Jéhovah ayeke sara lakue si tënë ti lo aga tâ tënë nga so lo dë bê ti azo kue so ayeke gi siriri nga na salut na gbe ti Royaume ti lo.

Nduru tënë ti mbeti ti Sophonie

Ngbanga ti nyen a lingbi e kpe ti pensé so lâ ti fango ngbanga ti Jéhovah ayeke ga ape?

Nduru tënë ti mbeti ti Aggée

Prophétie so afa so a yeke kota ye ti zia vorongo Jéhovah kozo na aye so agbu bê ti e.

Nduru tënë ti mbeti ti Zacharie

Gbâ ti avision nga na aprophétie amû ngangu na awakua ti Nzapa ti ândö. A-oko prophétie ni so adë bê ti e so Nzapa ayeke mû maboko na e laso.

Nduru tënë ti mbeti ti Malachie

Mbeti ti Malachie ayeke mbeni prophétie so afa so andia ti Jéhovah, nzoni bê ti lo nga na ndoye ti lo ayeke changé pëpe. Prophétie ni afa nga akpengba ye ti manda na yâ ti aye so asi na ngoi ti e.

Nduru tënë ti mbeti ti Matthieu

Manda ambeni ngbongboro tënë na ndo ti mbeti ti Bible so, kozo ti a-Évangile osio.

Nduru tënë ti mbeti ti Marc

Évangile ti Marc la ayeke nduru mingi na popo ti a-Évangile. A fa ye so Jésus ayeke sara ande tongana lo komande tongana Gbia ti Royaume ti Nzapa.

Nduru tënë ti mbeti ti Luc

Asango wa la a yeke wara ni gï na yâ ti Évangile ti Luc?

Nduru tënë ti mbeti ti Jean

Jean asara tënë mingi na ndö ti ndoye so Jésus ayeke na ni na mbage ti azo, tapande ti sarango terê ti lo kete, nga lo fa Jésus tongana Messie, zo so ayeke ga ande Gbia ti Royaume ti Nzapa.

Nduru tënë ti mbeti ti Kusala ti abazengele

Akozo Chrétien asara kua ngangu ti sara si azo na popo ti amara kue aga adisciple. Mbeti ti Kusala alingbi ti sara si mo kiri mo yapu nga mo duti na ngia na yâ ti kua ti fango tënë.

Nduru tënë ti mbeti na aRomain

A sû ni na gbe ti yingo vulu na ndö ti Jéhovah so asara kangbi na popo ti azo ape nga a yeke kota ye ti duti na mabe na Jésus Christ.

Nduru tënë ti Kozo mbeti na aCorinthien

Na yâ ti lettre so Paul asû, a yeke wara awango so lo sû na gbe ti yingo vulu na ndö ti dutingo beoko, nzoni sarango ye, ndoye, nga na beku ti zingongo akuâ.

Nduru tënë ti Use mbeti na aCorinthien

Jéhovah, “Nzapa ti dengo bê kue,” ayeke kpengba awakua ti lo nga lo yeke mû maboko na ala.

Nduru tënë ti mbeti na aGalate

Lettre so Paul atokua na aChrétien ti Galatie andu nga e laso gï tongana ti so andu aChrétien ti ngoi ni kâ. A lingbi ti mû maboko na atâ Chrétien kue ti ngbâ be-ta-zo.

Nduru tënë ti mbeti na aÉphésien

Lettre so a sû na gbe ti yingo so aluti na ndö ti ye so Nzapa aleke na bê ti lo ti sara ti ga na siriri nga na beoko na lege ti Jésus Christ.

Nduru tënë ti mbeti na aPhilippien

Na ngoi so e yeke gbu ngangu na gbele tara, e lingbi ti kpengba amba ti e ti luti ngangu.

Nduru tënë ti mbeti na aColossien

E lingbi ti nzere na lê ti Jéhovah na lege so e sara ye alingbi na ye so e manda, na lege so e pardonné amba ti e na bê ti e kue nga na lege so e yeda na ndo so a zia Jésus dä nga na komandema ti lo.

Nduru tënë ti Kozo mbeti na aThessalonicien

E bezoin ti lango pëpe na lege ti yingo, “ti gi ti bâ wala aye kue ayeke tâ tënë,” ti “ngbâ ti sambela lakue” nga ti wa terê na popo ti e.

Nduru tënë ti Use mbeti na aThessalonicien

Paul aleke bango ndo so ayeke na lege ni ape na ndö ti gango ti lâ ti Jéhovah, nga lo wa aita ni ti ngbâ ti luti ngangu na yâ ti mabe.

Nduru tënë ti Kozo mbeti na Timothée

Bazengele Paul asû Kozo mbeti na Timothée ti fa lege so aye adoit ti tambela na ni na yâ ti congrégation nga ti gboto mê na ndö ti afango ye ti wataka nga na ndoye ti nginza.

Nduru tënë ti Use mbeti na Timothée

Paul awa Timothée ti sara kusala ti lo ti fango tënë kue.

Nduru tënë ti mbeti na Tite

Paul asû mbeti na Tite ti leke akpale so ayeke na yâ ti acongrégation ti Crète nga lo fa asarango ye so akoli so alingbi adoit ti duti na ni si ala sara kua ti ancien.

Nduru tënë ti mbeti na Philémon

A ayeke mbeni nduru mbeti, me a yeke mbeni ngangu mbeti so akpengba ye ti manda ayeke dä na ndö ti sarango terê kete, sarango ye na nzoni bê nga pardonengo zo.

Nduru tënë ti mbeti na aHébreu

Vorongo ti aChrétien aluti na ndö ti aye so ayeke kota mingi, me pëpe na ndö ti atemple na lege ti mitele nga sandaga ti anyama.

Nduru tënë ti mbeti ti Jacques

Jacques asara kua na akpengba hakango ye ti fa akota mama-ndia ti aChrétien.

Nduru tënë ti Kozo mbeti ti Pierre

Kozo mbeti ti Pierre awa e ti sara ngangu nga ti bi agingo bê ti e kue na ndö ti Nzapa.

Nduru tënë ti Use mbeti ti Pierre

Use mbeti ti Pierre awa e ti duti be-ta-zo na ngoi so e yeke ku afini yayu nga na fini sese.

Nduru tënë ti Kozo mbeti ti Jean

Mbeti ti Jean awa e ti sara hange na awato-ti-Christ, nga a aidé e ti bâ aye so a lingbi e ye ni wala pëpe.

Nduru tënë ti Use mbeti ti Jean

Use mbeti ti Jean adabe ti e ti ngbâ ti tambela na yâ ti tâ tënë nga ti sara hange si azo ahanda e ape.

Nduru tënë ti Ota mbeti ti Jean

Ota mbeti ti Jean afa mbeni pendere ye na aChrétien na ndö ti tënë ti yambango agene.

Nduru tënë ti mbeti ti Jude

Jude afa polele asioni sarango ye ti azo so agi ti handa aChrétien nga ti buba sarango ye ti ala.

Nduru tënë ti mbeti ti Apocalypse

Akpengba vision ti mbeti ti Apocalypse afa tongana nyen la Royaume ti Nzapa ayeke sara ande si ye so lo leke na bê ti lo ti sara ndali ti azo nga na sese ayeke ga tâ tënë.

Soro yanga ti kodro ti mo

Partagé