Ye ti Manda 12

Mungo Fini nga na Mênë na Nene Ni

Tongana nyen a lingbi e ba fini? (1) tukungo ngo? (1)

A-Chrétien afa tongana nyen so ala ba na nene ni batango tele? (2)

A yeke sioni ti fâ anyama? (3)

Ambeni salango ye wa amu fini na nene ni pepe? (4)

Ndia ti Nzapa na ndo mênë ayeke so wa? (5)

Ye so andu nga mungo mênë ? (6)

1. Jéhovah ayeke Lingu ti fini. Fini ti aye kue alondo na Nzapa. (Psaume 36:10 [36:9, NW]) Fini ayeke kota ye mingi na lê ti Nzapa. Même fini ti mbeni molenge so angbâ na yâ ti mama ti lo ayeke na kota ngele na lê ti Jéhovah. Ti fâ na mbana mara ti foroto so angbâ ti maï ayeke sioni na lê ti Nzapa.​—Exode 21:22, 23; Psaume 127:3.

2. Atâ Chrétien aba na nene ni batango tele. Ala leke kue si akutukutu nga na ada ti ala asala sioni na zo pepe. (Deutéronome 22:8) Awakua ti Nzapa ayeke sala pepe mbeni ye so alingbi ti sala sioni na tele ti ala gi ti wara ngia na nzerengo tele. Tongaso ala mu mbage ti ala pepe na aye ti wanguru ti ngangu so asala sioni na azo na mbana. Ala kpe aye ti ngia so apusu zo ti sala ye ti ngangu.​—Psaume 11:5; Jean 13:35.

3. Fini ti anyama ayeke nga kota ye mingi na lê ti Wasalango ye. Chrétien alingbi ti fâ anyama ti wara kobe na bongo wala ti bata tele ti lo mveni na kobela nga na ye ti sioni. (Genèse 3:21; 9:3; Exode 21:28) Me a yeke sioni ti sala sana na anyama wala ti fâ ala gi teti ngia ti wanguru wala ti senge senge.​—aProverbe 12:10.

4. Nyongo manga, tengo lê ti betel, na nyongo mbangi ti wara ngia dä ayeke teti aChrétien pepe. Asalango ye so ayeke sioni ngbanga ti so (1) ala sala e na ngba, (2) ala sala sioni na tele ti e, na (3) ala yeke ye ti sioni. (aRomain 6:19; 12:1; 2 aCorinthien 7:1) A lingbi ti duti ye ti ngangu mingi ti zia asalango ye so. Me a lingbi e zia ni ti nzere na lê ti Jéhovah.

5. Mênë ayeke nga kota ye mingi na lê ti Nzapa. Nzapa atene so âme, wala fini, ayeke na yâ ti mênë. Tongaso a yeke sioni ti te mênë. A yeke nga sioni ti te mi ti mbeni nyama so asa mênë ti lo nzoni pepe. Tongana apete go ti mbeni nyama si lo kui wala lo kui na lê ti kamba, a lingbi ate lo pepe. Tongana akpo lo na likongo wala afâ lo na ngombe, a lingbi asa mênë ti lo hio tongana a ye ti te lo.​—Genèse 9:3, 4; Lévitique 17:13, 14; Kusala 15:28, 29.

6. A yeke sioni ti yeda na mungo mênë? Dabe ti mo, Jéhovah ahunda na e ti ke mênë. So aye ti tene a lingbi e zia lâ oko pepe na yâ tele ti e, atä na lege wa so aye ti sala ni, mênë ti ambeni zo nde, wala même mênë ti e mveni so abata ni. (Kusala 21:25) Tongaso fade atâ Chrétien ayeda pepe na mungo mênë. Fade ala yeda na ambeni kode ti kaïngo kobela nde, tongana ziango ngu ti yorö so mênë ayeke dä pepe na yâ tele ti zo. Ala ye ti ngbâ na fini, me fade ala tara ti sö fini ti ala pepe na kengo andia ti Nzapa.​—Matthieu 16:25.

 [Afoto na lembeti 25]

Ti nzere na lê ti Nzapa, a lingbi e kpe mungo mênë, asalango ye so ayeke sioni, na aye so alingbi ti sala sioni na e senge senge