MBAGE USE
“Mo sara si da ti mbi so ayeke nzoni-kue aga sioni”: A buba tâ vorongo Nzapa
KOTA TËNË NI: Vorongo Nzapa ti azo ti Juda nga na ti azo ti Jérusalem nga na asarango ye ti ala abuba
Jéhovah aye lani azo ti Israël nga lo yeke bâ lege ti ala tongana “ye ti [lo] so [lo] bâ na nene ni mingi.” (Ex. 19:5, kete tënë na gbe ni.) Me ala voro anzapa ti wataka tâ gï na yâ ti temple so iri ti lo ayeke na ndö ni. Ala zia vundu na bê ti Jéhovah nga ala bi zonga na ndö ti lo. Azo ti Israël aga sioni tongaso ndali ti nyen? Nyen la prophétie ti Ézéchiel afa na e na ndö ti futingo Jérusalem? Nyen la e lingbi ti manda na lege ti sarango ye ti azo ti Israël na akodro so angoro ala?
NA YÂ TI MBAGE SO
CHAPITRE 5
“Bâ aye ti sioni so bê ti mbi ake ni si ala yeke sara ni”
Ézéchiel abâ aye so ason bê ti zo ngangu, so afa tongana nyen tâ vorongo Nzapa abuba kue na Israël kue.
CHAPITRE 6
“Nda ni asi fadeso awe na ndö ti mo”
Aye so Ézéchiel asara, so ayeke prophétie, afa kozo awe bê ti Jéhovah so ason na terê ti azo ti Jérusalem.
CHAPITRE 7
Amara ayeke “hinga ande so mbi yeke Jéhovah”
Amara so abuba iri ti Jéhovah nga so asara ye ti ngangu na azo ti lo wala so asara si nzoni sarango ye ti ala abuba ayeke wara futa ti peko ti sarango ye ti ala. Aye wa la e lingbi ti manda na lege ti sarango ye ti azo ti Israël na mbage ti amara so angoro ala?
