ENCADRÉ SO AFA YE NA ZO 18A
Jéhovah agboto mê ti azo na ndö ti kota bira so ayeke ga
Gbâ ti aprophétie ayeke na yâ ti Bible so agboto mê ti azo na ndö ti ndangba bira so na yâ ni Jéhovah ayeke futi azo kue so asara kpengbango-li na lo nga na azo ti lo. Ambeni prophétie ni la a fa ni na gbe ni ge so. Bâ aye wa la ague oko na yâ ti agbotongo mê so nga bâ so Jéhovah asara kue ti tene azo kue awara lege ti mä agbotongo mê ni nga ti sara mbeni ye.
NA NGOI TI ISRAËL TI GIRIRI
ÉZÉCHIEL: “Jéhovah, Seigneur ti dunia kue, atene: ‘Mbi yeke iri ande épée ti ga ti sara sioni na [Gog] na ndö ti ahoto ti mbi kue.’”—Ézéch. 38:18-23.
JÉRÉMIE: “[Jéhovah lo] wani lo yeke fâ ngbanga na li ti azo kue. Lo yeke fâ ande azo ti sioni na épée.”—Jér. 25:31-33.
DANIEL: “Nzapa ti yayu ayeke sigi na mbeni royaume so . . . ayeke neka aroyaume so kue nga ayeke futi ala biaku biaku.”—Dan. 2:44.
NA NGOI TI AKOZO CHRÉTIEN
JÉSUS: “Mbeni kota ye ti vundu ayeke si ande, ye ti vundu so mara ni ade ti si lâ oko pëpe ngbene ye so dunia abâ gigi.”—Mat. 24:21, 22.
PAUL: ‘Jésus na angangu ange ti lo ayeke kiri na peko ti sioni na azo so ahinga Nzapa pëpe.’—2 aThes. 1:6-9.
PIERRE: “Lâ ti Jéhovah ayeke ga tongana zo ti nzi; . . . nga sese na akusala so ayeke na yâ ni ayeke sigi dandara.”—2 Pi. 3:10.
JEAN: “Mbeni yongoro épée so yanga ni aza asigi na yanga ti lo, so ayeke ti dë amara na ni.”—Apoc. 19:11-18.
NA NGOI TI E
Bible ayeke mbeti so a kiri peko ni na ayanga ti kodro mingi nga a kangbi ni mingi na yâ ti angoi kue
AWAKUA TI JÉHOVAH TI NGOI TI E . . .
-
akangbi ambeti ti Nzapa milliard mingi na ayanga ti kodro ngbangbo mingi
-
amû l’heure kutu ngbangbo mingi ngu oko oko ti fa tënë
