Nda ti iri ti Ézéchiel ayeke “Nzapa amû ngangu na zo.” Atâa so atënë ti gbotongo mê ayeke mingi na yâ ti aprophétie ti lo, atënë so lo tene ague oko na nda ti iri ti lo nga atënë ni akpengba mabe ti azo so aye ti voro Nzapa na lege ni.

• JÉRÉMIE

  A dü lo na yâ ti sewa ti aprêtre, lo sara kua ti lo mingi na Jérusalem (ngu 647–580 kozo na ngoi ti e)

• HULDAH

  Lo sara kua ti lo na ngoi so a wara mbeti ti Ndia na yâ ti temple na ngu 642 tongaso kozo na ngoi ti e

• DANIEL

  Lo yeke na yâ ti mara ti Juda so agbia alondo dä, a gue na lo na Babylone na ngu 617 kozo na ngoi ti e

• HABAKUK

  Peut-être lo sara kua na Juda na tongo nda ti komandema ti Jéhoïakim

• ABDIAS

  Lo tene prophétie na terê ti Édom, peut-être na ngoi ti futingo Jérusalem

1. Ngu 643 tongaso: A dü lo

2. Ngu 617: A gue na lo na Babylone

3. Ngu 613: Lo komanse ti tene prophétie, lo bâ Jéhovah na yâ ti vision

4. Ngu 612: Na yâ ti vision lo bâ a-apostat na temple

5. Ngu 611: Lo komanse ti fa sioni ti Jérusalem

6. Ngu 609: Wali ti lo akui; a komanse ti sara ndangba camp na terê ti Jérusalem

7. Ngu 607: A fa na lo so a futi Jérusalem biani awe

8. Ngu 593: Lo bâ vision ti temple

9. Ngu 591: Lo tene Nébucadnezzar ayeke lï na ngangu na yâ ti Égypte; lo sû tanga ti tënë ti lo

1. Ngu 659-629 Josias asara si tâ vorongo Nzapa amaï me lo kui na ngoi so lo gue ti tiri na Pharaon Nécoh

2. Ngu 628: Joachaz akomande na lege ni ape nze ota na Pharaon Nécoh agbu lo

3. Ngu 628-618: Jéhoïakim ayeke sioni gbia na Pharaon Nécoh azia lo ngbâ gbia na gbe ti komandema ti lo

4. Ngu 625: Nébucadnezzar asö benda na ndö ti aturugu ti Égypte

5. Ngu 620: Nébucadnezzar alï na ngangu na yâ ti Juda ti kozoni, lo zia Jéhoïakim gbia na Jérusalem na gbe ti komandema ti lo

6. Ngu 618: Jéhoïakim asara kpengbango-li na Nébucadnezzar me lo kui peut-être na ngoi so Babylone alï na ngangu na Sese ti Zendo ti fani use ni

7. Ngu 617: Jéhoïakim, so a hinga nga lo na iri ti Jéconias, ayeke sioni gbia so akomande nze ota na a zia lo na maboko ti Nébucadnezzar

8. Ngu 617-607: Sédécias ayeke sioni gbia so ayeke zo ti mbeto, Nébucadnezzar azia lo ngbâ gbia na gbe ti komandema ti lo

9. Ngu 609: Sédécias asara kpengbango-li na Nébucadnezzar so alï na ngangu na yâ ti Juda ti fani ota ni

10. Ngu 607: Nébucadnezzar afuti Jérusalem, lo gbu Sédécias, lo kôro lê ti lo na lo hon na lo na Babylone