Na ambeni ngoi, e lingbi ti bâ so angangu kpale nga na atara so e wara ahon ndö ti e na e fatigué kue, me e yeke sara ngangu ti gbu lê ni. Ye oko, na angoi tongaso, e lingbi ti wara ngangu tongana e gbu li ti e na ndö ti apendere ye so Ézéchiel afa na yâ ti vision ti kiringo na aye na place ni. Ngbanga ti nyen? Ye so e lingbi ti manda na yâ ti prophétie so ayeke so Nzapa so ayeke na ngangu ti wu pupu na yâ ti abio so ahule awe ti kiri na fini alingbi biani ti mû na e ngangu so e bezoin ni ti hon ndö ti aye so akanga lege na e, même aye so azo apensé so zo alingbi ti hon ndö ni ape.—Diko Psaume 18:29; aPhil. 4:13.

Peut-être e dabe ti e so angu ngbangbo mingi kozo na ngoi ti Ézéchiel, prophète Moïse atene so Jéhovah ayeke na ngangu nga na nzara ti sara kua na ngangu ti lo ndali ti azo ti lo. Moïse atene: “Nzapa ayeke ndo ti hondengo terê, maboko ti lo so angbâ lakue lakue ayeke na gbe ti mo.” (Deut. 33:27). E lingbi ti hinga biani so tongana e tourné na mbage ti Nzapa na angoi ti vundu, Jéhovah ayeke zia maboko ti lo na gbe ti e, lo yeke yô e na nduzu yeke nga lo yeke mû maboko na e ti kiri ti luti na nduzu.​—Ézéch. 37:10.