Kua
Kamba wa la ayeke na popo ti kua na ngia?
Anzoni ye ti peko ti mandango nzoni kua ayeke so wa?
-
Atapande ti Bible so apeut ti aidé mo:
-
1Sa 16:16-23—A hinga lani David so ade maseka tongana mbeni nzoni zo so ayeke pika mozoko, na mozoko so lo pika asara si bê ti gbia ti Israël adë; lo ne David ndali ti kode ti pikango mozoko ti lo
-
2Ch 2:13, 14—So Hiram-Abi ahinga ti sara akua ti maboko nzoni, Gbia Salomon amû lo ti sara mbeni kota kua
-
Ngbanga ti nyen la awakua ti Jéhovah aye ti tene a hinga ala tongana anzoni zo ti kua?
-
Atapande ti Bible so apeut ti aidé mo:
-
Ge 24:10-21—Rébecca asara ye mingi ahon ti so zo ti kua ti Abraham ahunda na lo, lo fa so lo ye ti aidé zo nga lo sara kua mingi
-
aPh 2:19-23—Bazengele Paul amû kota kua na Timothée so ade maseka ndali ti so lo yeke nduru ti sara kua ngangu ndali ti amba ti lo nga lo sara terê ti lo kete
-
Ngbanga ti nyen la e ye ti duti azo ti goigoi ape?
aPr 13:4; 18:9; 21:25, 26; Zo 10:18
-
Tapande ti Bible so apeut ti aidé mo:
-
aPr 6:6-11—Gbia Salomon asara kua na tapande ti avuvu ti fa aye ti manda na ndö ti sarango kua ngangu nga ti kpe ti duti zo ti goigoi
-
Ngbanga ti nyen la a yeke nzoni e sara kua ngangu ti wara aye so e bezoin ni?
Ngbanga ti nyen la a yeke nzoni e sara kua ngangu ti bâ lege ti azo ti sewa ti e?
-
Atapande ti Bible so apeut ti aidé mo:
-
Ru 1:16, 17; 2:2, 3, 6, 7, 17, 18—Ruth, wali-mua so ade maseka, asara kua ngangu ti bâ lege ti kogara ti lo Naomi
-
Mt 15:4-9—Jésus afâ ngbanga na ndö ti azo so amû kua ti Nzapa tongana mbeni raison ti bâ lege ti babâ na mama ti ala ape
-
Ngbanga ti nyen la a yeke nzoni e kangbi ye so e wara na peko ti ngangu kua ti e na amba ti e?
Nzoni bango ndo wa la a yeke nzoni e duti na ni na ndö ti nginza so e wara na peko ti kua ti e?
E hinga tongana nyen so Jéhovah aye ti aidé e ti sara kua ti e nzoni nga ti bâ lege ti aye so e bezoin ni?
Mt 6:25, 30-32; Lc 11:2, 3; 2aC 9:10
-
Atapande ti Bible so apeut ti aidé mo:
-
Ge 31:3-13—Laban asara ye na kogara ti lo Jacob nzoni ape, me Jéhovah abâ ngangu kua so Jacob asara nga lo sara tufa na ndö ti lo
-
Ge 39:1-6, 20-23—Jéhovah asara tufa na ndö ti kua so Joseph asara tongana ngbâa na da ti Potiphar nga na da ti kanga
-
Ngbanga ti nyen la e doit lâ oko ape ti bâ kua ti nginza ti e kota ahon kua ti Nzapa?
-
Atapande ti Bible so apeut ti aidé mo:
-
Lc 12:15-21—Jésus amû mbeni toli ti fa so a yeke ye ti buba ti zia aye ti sese kozo na aye ti yingo
-
1Tm 6:17-19—Bazengele Paul amû wango na aChrétien so ayeke na mosoro ti bâ terê ti ala kota pëpe na lo wa ala ti duti “azo ti mosoro na lege ti anzoni kusala”
-
Amama-ndia wa la adoit ti fa lege na e tongana e yeke gi kua?
-
Ex 20:4; Kus 15:29; aÉp 4:28; Apc 21:8—Eskê kua ni ayeke sara si mbi sara aye so Nzapa ake?
-
Ex 21:22-24; És 2:4; 1aC 6:9, 10; 2aC 7:1—Eskê kua ni ayeke pusu azo ti sara ye so Nzapa ake, na asara si mbi bâ so tënë ayeke na li ti mbi?
-
aRm 13:1-7; Tt 3:1, 2—Eskê kua ni ayeke sara si mbi doro andia ti kodro?
-
2aC 6:14-16; Apc 18:2, 4—Eskê kua ni ayeke sara si mbi mû mbage wala mbi mû maboko na bungbi ti vorongo nzapa ti wataka?
Kua ti Jéhovah
Kota kua wa la aChrétien apeut ti sara?
Ngbanga ti nyen la e yeke na nzara ti sara ye kue so e peut ti sara na yâ ti kua ti Jéhovah?
Lc 13:24; aRm 12:11; 1aC 15:58; aHb 6:10-12
Bâ nga 1Tm 3:1
Ngbanga ti nyen la a yeke nzoni ape ti haka ye so awakua ti Jéhovah ayeke sara?
-
Atapande ti Bible so apeut ti aidé mo:
-
Mt 25:14, 15—Mbeni toli so Jésus amû afa so lo ku ape ti tene adisciple ti lo kue asara kua tâ gï tongana amba ti ala
-
Lc 21:2-4—Jésus abâ na nene ni mingi kete offrande so mbeni wali-mua so ayeke wayere amû ni
-
Na ndo wa la e yeke wara ngangu ti sara kua ti Jéhovah so a mû na e ti sara?
2aC 4:7; aÉp 3:20, 21; aPh 4:13
-
Tapande ti Bible so apeut ti aidé mo:
-
2Tm 4:17—Bazengele Paul ahinga so lo wara ngangu so lo yeke na bezoin ni na ngoi so lo bezoin ni
-
Ngbanga ti nyen la ti sara kua ti Jéhovah ngangu ayeke ga na zo ngia?