Mbeni pendere gigi so ayeke ku e
Ngoi angbâ mingi encore ape na Satan na adémon ti lo ti handa azo. Jéhovah atomba ala lani na yayu awe (Apocalypse 12:9). Na yâ ti kete ngoi, lo yeke ga na terê ti Satan na adémon ti lo. Na yâ ti mbeni vision so Nzapa afa na bazengele Jean, lo tene: “Na pekoni, mbi bâ mbeni ange so alondo na yayu adescend; clé ti kota dû so alï mingi nga na kota chaîne ayeke na maboko ti lo. Lo gbu sioni nyama so akpa ngbo so, ngbo ti giriri, so ayeke Zabolo na Satan, na lo kanga lo ngu 1 000. Lo bi lo na yâ ti kota dû so alï mingi, lo kanga yanga ni na ndö ti lo nga lo kpo nzoroko dä, si lo handa amara mbeni pëpe juska ngu 1 000 ni ahunzi si.” (Apocalypse 20:1-3). Na pekoni, ayeke futi Zabolo na adémon ti lo biaku biaku.—Apocalypse 20:10.
A yeke futi ande azo ti sioni nga.—Psaume 37:9, 10; Luc 13:5.
Akuâ ayeke kiri na fini!
Na peko ti so Satan na adémon ti lo ayeke dä ande ape, Jéhovah ayeke sara ande tufa na ndö ti azo kue. Girisa ape so akuâ ayeke na fini ape nga ala yeke na mbeni ndo ape. Jésus ahaka kuâ na lango, na mbeni kota lango so zo ni abâ li ti lo ape (Jean 11:11-14). Lo haka ni tongaso ndali ti so lo hinga so mbeni ngoi ayeke ga so a yeke zingo ande akuâ, ti kiri na fini. Ni la, lo tene: “L’heure ni ayeke ga so ala kue so ayeke na yâ ti adû ti kuâ ayeke . . . sigi.”—Jean 5:28, 29; bâ Kusala 24:15.
A yeke kiri na ala na fini, ge, na ndö ti sese. Ahon ti tene e mä atokua ti kuâ e yeke mä ande gï anzoni sango na ndö ti azo so azingo na kuâ! E yeke duti ande na ngia mingi ti yamba azo ti e so e ndoye ala so ayeke kiri ande na fini na ngoi so ala yeke sigi na yâ ti dû ti kuâ!