Sambela kozo nga leke terê ti mo nzoni. Sambela ti tene mo zia li ti mo na ndö ti ye so mo ye ti fa, me na ndö ti mo pëpe. Zia si akota tënë so mo ye ti fa aduti polele na yâ ti li ti mo. Fa apensé ti mo na lege ti atënë ti mo wani; mo mû atënë so ayeke na lê ti mbeni mbeti si mo diko peko ni pëpe.

Sara atënë so alondo na gbe ti bê ti mo. Gi ti hinga ngbanga ti nyen la azo so ayeke mä mo abezoin ti mä tënë ni so. Bi bê ti mo na ala. Tongaso, lutingo ti mo, sarango maboko nga na lê ti mo ayeke fa so atënë ti mo alondo biani na bê ti mo nga mo ye azo so ayeke mä mo so.

Bâ lê ti azo so ayeke mä mo. Tongana a son bê ti azo ape, gi ti bâ lê ti azo so ayeke mä mo. Na ngoi so mo yeke mû diskur, ahon ti tene mo bâ gï gbâ ti azo ni tongaso a yeke nzoni mo bâ zo oko oko ngoi na ngoi.