Soro atapande so akpengba pëpe. Legeoko tongana Jésus, mû akete kete ye ti zi na nda ti akota ye, mû aye so akpengba pëpe ti fa na nda ti aye so akpengba. Mo yôro pëpe asenge senge ye na yâ ti atapande ni si acompliqué ni pëpe. Bâ si aye ti yâ ti tapande ti mo ni ague biani oko na ye so mo ye azo so ayeke mä mo amanda dä tongaso si li ti ala aga kirikiri pëpe na tapande so mo mû.

Gbu li na ndö ti ye so alingbi ti sara nzoni na azo so ayeke mä mo. Soro atapande so ague oko na akua so azo so ayeke mä mo asara wala na aye so agbu bê ti ala. Bâ si atapande ti mo ni azia kamene pëpe na lê ti azo so ayeke mä mo wala ason bê ti ala pëpe.

Sigi na kota tënë so mo ye ti fa. Luti gï na ndö ti akota tënë ti yâ ti atapande, me na ndö ti anzene nzene ye ni pëpe. Sara kue si azo so ayeke mä mo adabe ti ala gï na tapande ti mo ni pëpe me ala dabe ti ala nga na ndö ti ye so ala manda dä.