Mo ngbâ ti dabe ti mo na apendere ye so asi na mo na ngoi so mo yeke lani na popo ti awakua ti Jéhovah? Na tapande, mbeni ye so mo mä na ngoi ti mbeni bungbi wala mbeni kota bungbi, mbeni pendere ye so asi na mo na ngoi ti fango tënë wala mbeni senge pendere lisoro so mo na mbeni ita asara. Tongana a yeke tongaso, andâ mo girisa Jéhovah ape; lo nga kue lo girisa mo ape. Lo dabe ti lo mingi na kua so mo sara na lo. Lo ye mingi ti mû maboko na mo ti kiri na lo.

Jéhovah atene: “Mbi la, mbi yeke gi peko ti ataba ti mbi na mbi yeke bâ lege ti ala. Mbi yeke bâ lege ti ataba ti mbi tongana ti so mbeni berger so awara ataba ti lo so yâ ti ala akangbi kirikiri ayeke mû kobe na ala. Fade mbi zi ala na ando kue so ala kangbi lani kirikiri dä.”—Ézéchiel 34:11, 12, FD.