NZAPA SO NGANGU TI LO AHON ANGANGU KUE ayeke Kota Gbia ti dunia kue. Fini ti e ti laso na ti kekereke ayeke na tïtî lo. Lo yeke na ngangu ti futa zo wala ti punir zo. Lo yeke na ngangu ti mû fini na zo wala ti zi fini ti zo. Tongana e nzere na lê ti lo, gigi ti e ayeke ga nzoni; tongana e nzere na lê ti lo ape, aye ayeke tambela nzoni na e ape. Tongaso a yeke kota ye mingi ti tene vorongo so e yeke voro na lo anzere na lo!

Abungbi ti vorongo Nzapa ayeke mingi. Me tongana a haka abungbi ti vorongo Nzapa na mbeni lege, eskê Nzapa ayeda na alege ti vorongo lo so kue? Ên-ën. Jésus, prophète ti Nzapa, afa lani so alege ayeke gï use. Lo tene: “Lê ti lege so ayeke gue na futingo akono nga yanga ti gbagba ni ayeke kota, na gbâ ti azo si ayeke hon dä; me lê ti lege so ague na fini ayeke kete nga yanga ti gbagba ni ayeke kete mingi, na azo mingi pëpe si ayeke wara ni.”—Matthieu 7:13, 14.

Abungbi ti vorongo Nzapa ayeke gï use: oko so ague na zo na fini na oko so ague na zo na futingo. A sigi na brochure so ti aidé mo ti wara lege so ague na fini ti lakue lakue.